Bashkimi me Elbasanin, debate në mbledhjen e Këshillit bashkiak të Cërrikut: Do shpopullohet zona

Reforma e re territoriale ka shkaktuar debate edhe në mbledhjen e Këshillit Bashkiak të Cërrikut, ku këshilltarë të mazhorancës dhe opozitës kanë kundërshtuar propozimin për bashkimin e Cërrikut me Bashkinë e Elbasanit.

Gjatë diskutimeve, këshilltarët argumentuan se një ndryshim i tillë i ndarjes administrative mund të sjellë largimin e shërbimeve nga qytetarët dhe të ndikojë në rritjen e shpopullimit të zonës.

Një pjesë e këshilltarëve shprehën rezerva edhe për mënyrën se si po zhvillohet procesi i konsultimit publik. Sipas tyre, dëgjesat me komunitetin rrezikojnë të mbeten një procedurë formale, pasi Komisioni i Reformës Territoriale ka avancuar tashmë me propozimet e tij.

Në këtë kuadër, u kërkua që qytetarët të konsultohen realisht përpara marrjes së një vendimi, ndërsa një prej alternativave të propozuara ishte edhe zhvillimi i një referendumi.

Kryetari i Bashkisë Cërrik, Florenc Doka, deklaroi se nuk do të japë një qëndrim përfundimtar mbi propozimin për shkrirjen e bashkisë që drejton pa u përmbyllur më parë procesi i dëgjesave publike me komunitetin.

Mbledhja u ndoq edhe nga deputetët e opozitës, Blendi Himçi dhe Klodiana Çapja. Deputeti Himçi iu drejtua kryebashkiakut Doka, duke argumentuar se, bazuar edhe në rekomandimet paraprake të Komisionit të Reformës Territoriale, ai duhet të ketë një qëndrim të qartë për procesin.

Në përfundim të mbledhjes, Këshilli Bashkiak i Cërrikut miratoi me shumicë votash zhvillimin e dëgjesave publike me komunitetin.

Sipas draftit paraprak të reformës territoriale, Bashkia Cërrik dhe ajo e Belshit parashikohet të përfshihen në Bashkinë e Elbasanit. Propozimi ka hasur kundërshtimin e banorëve, të cilët kanë shprehur qëndrimin e tyre edhe përmes protestave.

Po ndodh...

17:45 FJALEKRYQI

Champions League schedule August 21

16:23 FJALEKRYQI

Movie crossword puzzle August 21

12:32 POLITIKË

Austrian public television: Flamingo Revolution does not stop, thousands of people on the streets for almost 3 months

12:03 AKTUALITET

Pushimet në Golem kthehen në makth, familja gjermane denoncon dhunimin e djalit: E rrahën 7 kamarierë, ishte vetëm

10:25 SPORT

Goditi kundërshtarin me shuplakë në kokë, Messi përballet me pezullim

09:41 SPORT

E BUJSHME/ Barcelona arrin marrëveshje personale me Lautaron?

08:47 KOSOVA

“Gjyshja po të pret çdo ditë, bab”, djali i Hashim Thaçit me mesazh prekës

08:23 AKTUALITET

Fermerët paralajmërojnë protesta në shtator: “Nëse nuk plotësohen kërkesat, zbresim me traktorë

08:06 JETË

Horoskopi Ditor E Premte 21 Gusht 2026

00:02 FJALEKRYQI

Free scheme August 21

21:50 AKTUALITET

Pretendon se bashkëpunoi me CIA-n dhe se ka ndihmuar në arrestimin e anëtarëve të Al-Kaedas, SHBA kërkon deportimin e Blerim Skoros

20:20 AKTUALITET

Ndryshime të furishme edhe në “Portokalli”, Agron Llakaj merr drejtimin e spektaklit, largohet Salsano Rrapi

19:42 AKTUALITET

"Tërmet" on TCh/ After 20 years, Filip Çakuli leaves Fiks Fare, field journalist Antela Lika takes over the show

19:26 BOTA

Tragjedi në Nigeri/ Përmbyset varka, humbin jetën 40 fëmijë

Dua të lexoj më shumë lajme