Lajme flash
Pesë gola dhe spektakël në Camp Nou/ Barcelona shkatërron Feyenoordin 5-1
2026-09-09 22:18:00 / SPORT
Barcelona e ka nisur me spektakël aventurën e re në Ligën e Kampionëve, duke mposhtur Feyenoordin me rezultatin e thellë 5-1.
Katalunasit e zhbllokuan shumë shpejt sfidën. Në minutën e tretë, Lamine Yamal asistoi për Raphinhën, i cili u fut në zonë dhe me qetësi e dërgoi topin në këndin e poshtëm për 1-0.
Barcelona vijoi dominimin dhe në minutën e 22-të gjeti edhe golin e dytë. Karim Adeyemi pranoi topin në hyrje të zonës pas asistimit të Joao Cancelos dhe me një goditje të fuqishme e dërgoi në këndin e sipërm.
Feyenoordi pati një mundësi për të reaguar, por goditja e Gjivai Zechiël në minutën e 24-të përfundoi pak mbi portë. Barcelona iu afrua golit të tretë pak më vonë, kur Joao Cancelo goditi shtyllën.
Në pjesën e dytë, skuadra e Hansi Flickut vazhdoi të ishte dominuese. Në minutën e 57-të, Pedri asistoi për Raphinhën, i cili realizoi me qetësi për 3-0.
Feyenoordi mendoi se kishte ngushtuar diferencën dy minuta më vonë, por goli i Nachos u anulua nga VAR-i për pozicion jashtë loje.
Në minutën e 77-të erdhi edhe një tjetër moment magjik. Lamine Yamal ekzekutoi në mënyrë spektakolare një goditje të lirë, duke e çuar rezultatin në 4-0.
Mysafirët arritën të shënonin për 4-1 në minutën e 82-të përmes Sem Steijn, por Barcelona kishte ende një përgjigje.
Vetëm tri minuta më vonë, Gabriel Jesus realizoi golin e pestë pas një asistimi perfekt të Lamine Yamalit, duke vulosur fitoren 5-1.
Me këtë paraqitje, Barcelona dha një sinjal të fortë që synon të jetë protagoniste në garën për trofeun e Ligës së Kampionëve.
Po ndodh...
ide
The SP and the DP have created an unshakable Nash equilibrium.
Nga Fitim Zekthi
Insistence on crime, the reason why Prime Minister Rama should resign
Nga Blendi Kajsiu
Edi Rama, Harari and the algorithm!
Nga Ermal Peçi
top
receta Alfa
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128