Lajme flash
"Se kemi parë njëri-tjetrin si dy të dashur..."/ Ç'po ndodh në marrëdhënien Gimbo-Selin?
2026-08-01 22:30:00 / SHOWBIZ
Fituesja e “Big Brother VIP Albania 5”, Selin Bollati, ka folur për raportin e saj me DJ Gimbon, lidhje që nisi gjatë qëndrimit të tyre në shtëpinë e “Big Brother VIP Albania” dhe që vazhdon edhe pas përfundimit të formatit.
E ftuar në emisionin “Pushime on Top”, Selin u shpreh se marrëdhënia e tyre është ndërtuar mbi komunikimin dhe mirëkuptimin, duke theksuar se asnjëherë nuk e kanë parë veten si një çift në kuptimin tradicional.
“Nuk e kemi parë asnjëherë marrëdhënien tonë si dy të dashur në kuptimin klasik. Kemi krijuar një raport shumë të shëndetshëm dhe këtë e kemi thënë edhe më parë, edhe pse shpesh është keqkuptuar nga publiku”, u shpreh ajo.
Sipas Bollatit, mënyra se si e jetojnë lidhjen i dallon nga shumë bashkëmoshatarë të tyre.
“Mendoj se nuk i përkasim mënyrës sesi gjenerata jonë i jeton marrëdhëniet. Sot gjithçka duket më e komplikuar, sidomos kur bëhet fjalë për dashurinë, ndërsa ne kemi gjetur ekuilibrin tonë dhe jemi shumë mirë bashkë”, tha fituesja e BBVA.
Selin foli edhe për bashkëjetesën me DJ Gimbon, duke treguar me humor se gjithçka po shkon mirë, edhe pse partneri i saj nuk është gjithmonë njeriu më i rregullt në përditshmëri.
Pas njohjes në “Big Brother VIP Albania”, çifti ka vijuar marrëdhënien edhe jashtë shtëpisë, duke u shfaqur së bashku në evente të ndryshme dhe duke mbështetur njëri-tjetrin në angazhimet publike.
Po ndodh...
The "small flower" and the big problem of Rama and Berisha!
Nga Ermal Peçi
ide
It's not the Cauliflower Trust, it's the Aruba Cartel!
Nga Gjergj Erebara
Tri krizat dhe tri zgjidhjet
Nga Përparim Gjeka
Innocence for the liberators, so that history is not judged!
Nga Azgan Haklaj
receta Alfa
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128