English
Luaj me Fjalëkryq
Lajme flash

“Përfaqësuesi Rus në OKB na kujtoi sërish modelin Rus të Qeverisjes”

23 Shtator 2023, 17:38 / IDE NGA ARDIT GJINALI

“Përfaqësuesi Rus në OKB na kujtoi sërish modelin Rus

Pëllëmbët e duarve u ftohën nga duartrokitjet e pambarimta të korit të duartrokitësve mbi shpërfaqjen retorike të Kryeministrit të Shqipërisë në sallën Plenare të OKB ndaj përfaqësuesit të Moskës zyrtare, famëkeqësisht e identifikuar me regjimin e Vladimir PUTIN. Secila gërmë dhe secili qëndrim i secilit nivel hierarkik zyrtar i Republikës së Shqipërisë ndaj Kremlinit, i tilli dhe në nivel retorik , është për tu përshëndetur dhe dëshmon qëndrimin e vazhdueshëm dhe të pandryshueshëm të Shqipërisë, në raport me të drejtën ndërkombëtare dhe aleancat politike ndër-shtetërore, gjithashtu.

Republika e Shqipërisë është kryesuesja e rradhës së Këshillit të Sigurimit të Organizatës së Kombeve të Bashkuara, një pozicion i rëndësishëm i mbajtur nga secili vend anëtar, i tilli periodikisht me një mandat të përcaktuar;- mbetet për tu theksuar që udhëheqësia e këtij pozicioni nuk është asfare rrjedhojë e ndonjë arritjeje apo merite në politikën e Jashtme të Republikës, i njëjti mbetet jetësimi i një aplikimi proçedurial burokratik, jetësimi ndikohet pozitivisht si shkak i rradhitjes dhe pozicionimit të Shqipërisë kah vlerave të aleancës Euro-Atlantike, një vlerë me origjinë në vokacion, asfare shkak i ndonjë merite të ndonjë qeverie të caktuar.

Drejtimi i Këshillit të Sigurimit të Organizatës së Kombeve të Bashkuara nuk është asfare i ndryshëm nga Presidenca e rradhës së Organizatës për Sigurim dhe Bashkëpunim Europian (OSCE) , e tilla e mbajtur nga Shqipëria në vitin 2020, një tjetër pozicion i mbajtur nga secili vend anëtar i organizatës përkatëse ku shembulli tjetër në Rajon mbetet i njëjti i Maqedonisë së Veriut , i përfaqësuar nga Ministri i Jashtëm i vendit përkatës, zoti Bujar OSMANI.

Jetojmë në “Republikën e Propagandës”; -lexojmë tezat e përgatitura në laboratorët retorikë të së njëjtës ;- dëgjojmë interpretimet subjektive të secilit pjesëtar politik dhe kinse jo politik të ekipit të propagandës ;- vërejmë shfaqjet publike të KryeKreut që rreket të prezantojë realitetin që nuk ekziston përmes përpjekjeve pa lavdi të lojës me retorikën, e tilla lojë që është nënqeshja ngërdheshëse ndaj opinionit publik.

“Propaganda” përpiqet të tërheqë vëmendjen publike dhe qytetare ndaj ngjarjeve me natyrë politike, përkatësisht emërimi i Kryetarit të Partisë Demokratike, BASHA në pozicionin e Krye-Monitoruesit mbi konfiskimin e aseteve Ruse në Ukrainë apo dhe zhvillimet e reja mbi çështjen e shumë-përfolur “MCGONIGAL” ku i njëjti, përkatësisht zoti BASHA ishte subjekt i një kurthi të ngritur që tentonte ta njehsonte si përfitues politik të financimeve me origjinë Ruse....pranimi i fajit nga MCGONIGAL , në një proçes juridik në SHBA, disa orë larg nga “ NEW YORK i ansamblesë” shënon fundin e tymnajës që përmes akuzës ndaj Kryetarit të saj, njolloste Partinë më të madhe të opozitës në një vend anëtar të NATO-s dhe aleat të SHBA-BE-Mbretëri e Bashkuar.

Rreshtimi krah aleancës së vlerave perëndimore është një detyrim kombëtar, shtetëror, patriotik dhe politik, i njëjti nuk mund të konsiderohet si vlerë politike e asnjë kabineti qeverisës apo drejtuesi të të njëjtit, me retorikë apo pa të njëjtën, zë-lartë apo njëjtë-ulët, në gjuhë ndërkombëtare apo kombëtare; - i njëjti , drejtuesi i seancës në Këshillin e Sigurimit të Organizatës së Kombeve të Bashkuara mund dhe duhet të kujtojë që përfaqësuesi në të quajturën “përballje në OKB” është shëmbëlltyra e një regjimi, model i të tillit ka uzurpuar ngultas shtetin duke e njehsuar me pushtetin dhe duke e renditur Shqipërinë në vendet me demokraci të cënuar, liri të kufizuar të medias, opozitë të sponsorizuar, korrupsion të shtuar dhe zgjedhje të kapura proçedurialisht që pamundësojnë ndryshimin politik.

Aleanca politike e botës perëndimore, e tilla jo-gjeografikisht në mbështetje të qëndresës heroike të popullit të Ukrainës ndaj agresionit ushtarak Rus duhet të jetë parathënia e një aleance të re vlerash botërore kundër “Modelit Rus të qeverisjes”, i tilli i instaluar, formësuar dhe konsoliduar në panoramën e një stabiliteti të gënjeshtërt që rreket të gjunjëzojë ditë pas dite demokracinë.

Po ndodh...

Dua të lexoj më shumë lajme

ide

top

receta Alfa

TRENDING

shërbime

  • POLICIA129
  • POLICIA RRUGORE126
  • URGJENCA112
  • ZJARRFIKESJA128