English
Luaj me Fjalëkryq
Lajme flash

Ndryshimi i stinëve e bën më të vështirë zgjimin në mëngjes

18 Shtator 2023, 23:18 / JETË ALFA PRESS

Ndryshimi i stinëve e bën më të vështirë zgjimin

Ka njerëz që zgjohen me zilen e parë të alarmit e ka të tjerë që rrotullohen pa fund në shtrat duke injoruar edhe zilen e shtatë.

Nëse zgjimi në mëngjes është një mision i vështirë për ju, atëherë fajësoni ndryshimin e stinëve. Ekspertët mjekësorë shpjegojnë se me ardhjen e pranverës, moti dhe humori ndryshojnë me shpesh se zakonisht.

Nëse ndiheni të lodhur në mëngjes, jeni akoma në kohë për të rifituar energjinë. Kjo arrihet duke ndryshuar mënyrën e të fjeturit, regjimin ushqimor dhe duke kryer më shumë aktivitet fizik.

Ushqyerja e mirë është tepër e rëndësishme për të pasur një fillim të mbarë në mëngjes jo vetëm gjatë dimrit por edhe tranzicionit të stinëve. Tek ky artikull i AgroWeb.org do të gjeni disa këshilla të vyera që do e bëjnë zgjimin në mëngjes jo aq të vështirë.

Këto këshilla janë të rëndësishme, sepse vështirësia në të fjetur dhe për t’u zgjuar, ju bën më të lodhur gjatë ditës, nxit dhimbjet e kokës dhe ju shtyn të hani më shumë ëmbëlsira.

Duke nënvizuar rëndësinë e gjumit, ekspertët thonë se nëse flini më pak se gjashtë orë, nëse flini më shumë se 9 orë, nëse bëni gjumë të ndërprerë, sistemi imunitar dobësohet, metabolizmi ngadalësohet dhe gjendja mendore përkeqësohet.

Gjumi i mirë bëhet në errësirë

Melatonina është e nevojshme për një gjumë cilësor. Prodhimi i saj nxitet nga errësira. Ekspertët e AgroWeb.org thonë se për të arritur këtë, duhet të fikni të gjitha pajisjet elektronike që lëshojnë një ndriçim të vështirë.

Sasia më e madhe e melatoninës çlirohet në orën 2 të mëngjesit, kur gjumi është më i thellë. Bëni një banjë të ngrohtë, qetësohuni përpara gjumit dhe përpiquni mos të hani pas orës 20.00.

Mëngjesi i mirë, fillim i mbarë

Një mëngjes i shëndetshëm përbëhet nga vezët, djathi, gjiza, qumështi, gjalpi, avokado dhe arrat. Dreka dhe darka duhet të përbëhen nga perimet dhe proteinat. Ju duhet të kufizoni karbohidratet dhe të konsumoni më shumë lakër dhe lulelakër.

Ato përmbajnë vitaminë K dhe kalçium që ju mbrojnë nga radikalet e lira. Mos lini mënjanë panxharin dhe spinaqin që përmbajnë antioksidantë dhe enzimën Q10. AgroWeb.org ju sugjeron të konsumoni më shumë arrorë, çokollatë të zezë, presh, shparg, thjerëza jeshile dhe qepë.

Supa e mishit është burim i shkëlqyer kolagjeni. Frutat e pyllit, karrotat, portokallet, specat dhe barishtet duhen konsumuar me bujari. Qepët, majdanozi dhe sallata jeshile duhet të jenë pjesë e regjimit tuaj ushqimor. Mos harroni peshkun të paktën dy herë në javë. Ai e furnizon organizmin me acidet yndyrore Omega-3.

Aktiviteti Fizik, Gjysma e Punës

Shmangni stresin, është këshilla më e përsëritur por më e vyer nga të gjitha. Optimizmi është thelbësor për një jetë dhe shëndet të mirë. AgroWeb.org ju kujton se aktiviteti fizik është i nevojshëm për të përmirësuar nivelet e energjisë dhe do ju falë shumë gjallëri.

Falë aktivitetit fizik, truri do të furnizohet me më shumë energji. Rrjedhimisht ju do të keni një kujtesë të fortë. Mjafton ecja për të larguar stresin dhe ankthin dhe për të pasur një shëndet mendor optimal. Gjatë aktivitetit fizik, trupi çliron endorfinë, që ju ndihmon të luftoni depresionin. Për një jetë të shëndetshme kryeni të paktën 30 minuta aktivitet fizik në tre ditë të javës.

Po ndodh...

Dua të lexoj më shumë lajme

ide

top

receta Alfa

TRENDING

shërbime

  • POLICIA129
  • POLICIA RRUGORE126
  • URGJENCA112
  • ZJARRFIKESJA128