Lajme flash
Detaje nga ngjarja në Kosovë/ 21-vjeçarja u vra brenda zyrës shtetërore, reagon kryetari i Komunës së Ferizajt
12 Prill 2024, 17:55 / KOSOVA
Kryetari i Komunës së Ferizajt, Agim Aliu, në një postim ka reaguar pas ngjarjes së rëndë të ndodhur sot në Qendrën e Punëve sociale në Ferizaj, ku 21-vjeçarja Erona Cokli u vra nga ish-bashkëshorti i saj.
Aliu ka shprehur ngushëllimet për ngjarjen, teksa shton se është i tronditur nga lajmi. Ai sqaroi se viktima dhe autori po merrnin shërbim në institucion, kur burri ka qëlluar për vdekje ndaj ish-bashkëshortes dhe vëllait të saj dhe më pas ka kërcënuar me armë punonjësin e qendrës.
Aliu ka përgëzuar efektivët e policisë për reagimin e shpejtë, për arrestimin e autorit. Kryetari i ka bërë thirrje institucioneve të drejtësisë që t’i japin dënimin e merituar autorit. Ngjarja ndodhi mesditën e sotme, teksa nga të shtënat u plagos dhe vëllai 15-vjeçar i të resë.
Postimi i Agim Aliut:
Të tronditur thellë, morëm lajmin se pak minuta më parë, një bashkëqytetare e jonë është qëlluar për vdekje nga ish bashkëshorti i saj derisa dorasi ka plagosur edhe vëllain e viktimës.
Viktima dhe dorasi po merrnin shërbime pranë Qendrës për Punë Sociale në Ferizaj, derisa dorasi ka shtënë mbi viktimën dhe vëllain e saj si dhe ka kërcënuar me armë edhe punonjësen e këtij institucioni.
Dorasi është arrestuar nga Policia e Kosovës në Ferizaj, ku me këtë rast i përgëzojmë për efikasitetin e lartë, njëlloj edhe ekipet shëndetësore për reagimin e shpejt e profesional.
Presim nga institucionet e drejtësisë që pas hetimeve, me forcën e ligjit t’i japin dënim meritor dorasit.
Sot, të gjithë të tronditur bashkëndjejmë me familjen e viktimës!
Ngushëllime të sinqerta familjes së viktimës dhe urojmë shërim të shpejt për të plagosurin!
Po ndodh...
ide
Shqipëria Madhështore apo Shqipëria e Pazarit Madhështorë!
Nga Ermal Peçi!
Opozita, akoma larg një projekti për rrotacionin e pushtetit
Nga Preç Zogaj
top
receta Alfa
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128