Lajme flash
Putin, i gatshëm të bisedojë me Xi-n rreth planit kinez të paqes për Ukrainën
20 Mars 2023, 19:06 / KOSOVA & BOTA
ALFA PRESS
Presidenti kinez Xi Jinping takoi "mikun e tij të dashur" Vladimir Putin sot në Moskë, duke kërkuar të thellojë lidhjet ekonomike me një aleat që ai e sheh si një kundërpeshë të dobishme për Perëndimin, por edhe për të promovuar rolin e Pekinit si një paqebërës i mundshëm në luftën e Ukrainës.
Xi u bë kreu i parë i shtetit që u takua me presidentin rus pasi Gjykata Ndërkombëtare Penale (ICC) lëshoi një urdhër arresti kundër tij të premten për deportimin e ukrainasve në Rusi gjatë pushtimit 13-mujor të Ukrainës nga Rusia.
Rusia prezanton udhëtimin e Xi, i pari i tij pasi siguroi një mandat të tretë të paprecedentë këtë muaj, dëshmi se ai ka një aleat të fuqishëm në përplasjen e tij me një Perëndim armiqësor.
Të dy udhëheqësit ju referuan njëri-tjetrit si "miku im i dashur" në takimin e tyre në Kremlin këtë pasdite përpara një darke, me bisedime zyrtare që do të pasojnë të martën.
Putin i tha Xi se ai i shikonte me respekt propozimet e Kinës për zgjidhjen e konfliktit në Ukrainë, duke thënë se ishte i gatshëm të diskutonte planin e propozuar të paqes të Pekinit për të zgjidhur luftën në Ukrainë.
Kina në fund të shkurtit paraqiti një dokument prej 12 pikash për zgjidhjen e konfliktit midis Rusisë dhe Ukrainës, duke i bërë thirrje Moskës dhe Kievit që të "pushojnë armiqësitë" dhe të mbajnë bisedime paqeje.
“Ne jemi gjithmonë të hapur për një proces negociues. Ne padyshim që do të diskutojmë për të gjitha këto çështje, përfshirë edhe nismat tuaja, të cilat i trajtojmë me respekt”, theksoi ai.
Presidenti rus siguroi homologun e tij kinez se Moska dhe Pekini kanë "shumë detyra dhe shumë qëllime të përbashkëta" gjatë këtij takimi jozyrtar në Kremlin.
"Ne kemi shumë detyra dhe qëllime të përbashkëta," tha Putin duke vlerësuar faktin se Pekini i kushton "vëmendje të madhe zhvillimit të marrëdhënieve midis Rusisë dhe Kinës".
“Kina ka krijuar një sistem shumë efektiv për të zhvilluar ekonominë dhe për të forcuar shtetin. Është shumë më efikas se shumë vende të tjera”, tha ai, duke thënë se ishte “pak xheloz” për rritjen e shpejtë të Kinës në dekadat e fundit.
Xi vlerësoi "marrëdhëniet e ngushta" midis Moskës dhe Pekinit, duke thënë se "ne jemi partnerë në bashkëpunimin strategjik global.
Është ky regjim që përcakton se duhet të ketë marrëdhënie të ngushta mes vendeve tona”, tha ai në fillim të këtij takimi joformal, sipas një përkthimi të fjalëve të tij të transmetuara drejtpërdrejt në televizionin rus.
Po ndodh...
ide
top
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128