“Kujdesi mjekësor është e drejtë, jo favor i kryeministrit”/ Demokratët Europianë kritikojnë Ramën për plumbat e gomës: Erjon Vishkulli ka nevojë për drejtësi, jo propagandë!

Demokratët Europianë kanë reaguar sërish ndaj kryeministrit Edi Rama, këtë herë lidhur me plagosjen e 28-vjeçarit Erjon Vishkulli gjatë protestave studentore në Tiranë.

Në një deklaratë publike, ata kërkojnë hetim të pavarur për incidentin, nxjerrjen përpara përgjegjësisë të personave të përfshirë dhe ndalimin e përdorimit joproporcional të forcës nga policia.

Në reagim thuhet se Vishkulli është qëlluar në sy me plumb gome nga policia dhe se shikimi i tij është tashmë në rrezik.

“Në Tiranë, 28-vjeçari Erjon Vishkulli u qëllua në sy nga një plumb gome i policisë. Shikimi i tij tani është në rrezik. Ne kërkojmë një hetim të pavarur, përgjegjësi dhe fundin e dhunës joproporcionale të policisë”, thuhet në deklaratë.

Demokratët Europianë kanë kritikuar gjithashtu kryeministrin Rama, duke e akuzuar se po përpiqet të marrë meritat personale për organizimin e trajtimit mjekësor të të riut të plagosur.

Sipas tyre, pretendimi i kryeministrit është kundërshtuar publikisht nga familjarët e Erjon Vishkullit.

“Dhe çfarë bën Edi Rama? Përpiqet të marrë meritat personale për organizimin e trajtimit mjekësor të të riut, një pretendim që është kundërshtuar publikisht nga vetë familja e Erjonit”, theksohet në reagim.

Në një mesazh të drejtpërdrejtë për kreun e qeverisë shqiptare, Demokratët Europianë nënvizojnë se mbrojtja e qytetarëve dhe garantimi i kujdesit shëndetësor janë detyrime të shtetit dhe jo favore personale të një politikani.

“Zoti Rama, mbrojtja e qytetarëve është detyra juaj, jo një akt bujarie personale. Kujdesi mjekësor është një e drejtë, jo një favor nga kryeministri”, thuhet më tej.

Në përfundim, Demokratët Europianë kërkojnë përgjegjësi për plagosjen e 28-vjeçarit dhe kritikojnë atë që e cilësojnë si përpjekje për përfitim politik nga ngjarja.

“Shqipëria ka nevojë për përgjegjësi, jo për vetëpromovim politik në kurriz të një të riu të plagosur”, përfundon deklarata.

Po ndodh...

18:23 EKONOMI&SOCIALE

Të rinjtë shqiptarë, të fundit në Europë për të ardhurat sipas fuqisë blerëse

18:18 SHOWBIZ

Era Istrefi shfaqet në foto me reperen e famshme amerikane, çfarë po “zien”?

18:01 SPORT

Reagoi pasi nuk u ftua nga Maran, surpriza vjen nga Jasir Asani te Kombëtarja

17:58 AKTUALITET

Studentët djegin fotot e Ramës dhe Vuçiç para Kryeministrisë: Dorëheqja e panegociueshme

17:44 BOTA

Tre sulme kundër Riadit, Huthët kërcënojnë të përhapin konfliktin rajonal

17:43 BOTA

Fitorja e studentëve të Serbisë rrit shpresat për një rivendosje të BE-së

Nga Ardi Stefa 17:34 IDE

Të kundërshtosh pushtetin, nuk do të thotë se di ta fitosh atë! 

Nga Ardi Stefa

17:30 FJALEKRYQI

Skemë kampionësh 26 tetor

17:22 AKTUALITET

Pas rezistencës te Ministria e Arsimit, të rinjtë dhe qytetarët nisin marshimin drejt Kryeministrisë

17:21 AKTUALITET

Del pas 7 orësh në SPAK Behgjet Pacolli! Ja çfarë deklaroi për media

17:07 POLITIKË

Studentët ironizojnë Ramën me pankarta: Premtimet në Bruksel, realiteti në Tiranë

17:02 SHOWBIZ

Chris Brown dënohet me 8 muaj burg me kusht, sulmoi producentin muzikor në një klub të Londrës

16:58 AKTUALITET

7 orë në SPAK dhe nuk ka dalë akoma, Behgjet Pacolli "i ngujuar" në prokurori bashkë me avokatin prej mëngjesit

16:58 BOTA

Zelensky: Ukraina priti gati një muaj miratimin e SHBA-së për raketat Patriot dhe NASAMS

Dua të lexoj më shumë lajme