Manchester City rrezikon humbjen e titujve dhe përjashtim nga Premier League

Manchester City është shpallur fajtor për pothuajse të gjitha shkeljet financiare për të cilat ishte akuzuar nga Premier League, ndërsa tashmë pritet të përcaktohen sanksionet ndaj klubit anglez.

Sipas burimeve të informuara për çështjen, të cituara nga The Athletic, komisioni i pavarur ka gjetur Manchester City-n fajtor për 114 nga 115 akuzat e ngritura nga Premier League. Vendimi përfundimtar mbi masat ndëshkuese ende nuk është marrë dhe klubi pritet ta apelojë atë, përcjell A2 CNN.

Manchester City u akuzua në shkurt të vitit 2023, pas një hetimi që zgjati rreth katër vjet dhe që lidhej me periudhën 2009-2018. Premier League e akuzoi klubin për mosparaqitje të saktë të informacionit financiar, pagesave ndaj lojtarëve dhe trajnerëve, si dhe për shkelje të rregullave të UEFA-s për Fair Play Financiar dhe rregullave të ligës për qëndrueshmërinë financiare.

Hetimi nisi pas publikimit të dokumenteve financiare të rrjedhura nga Der Spiegel në vitin 2018. Manchester City i ka mohuar vazhdimisht akuzat.

Në një reagim për The Athletic, klubi deklaroi se procesi i Premier League vazhdon dhe se pjesë të rëndësishme të tij ende duhet të përfundojnë. City theksoi gjithashtu se ka respektuar procesin ligjor dhe se ka vepruar me bindjen se organet drejtuese të Premier League do të ishin të pavarura dhe të paanshme.

Çështja mund të ketë pasoja të rëndësishme për klubin. Sipas rregullit W.51 të Premier League, sanksionet variojnë nga një qortim ose gjobë financiare deri te zbritja e pikëve dhe, në rastin më ekstrem, përjashtimi nga kampionati.

Një zbritje pikësh mund të aplikohet për sezonet e ardhshme ose në mënyrë prapavepruese, duke hapur edhe mundësinë e rishikimit të rezultateve të së kaluarës dhe titujve të fituar gjatë periudhës së hetuar.

Manchester City është nën pronësinë e Abu Dhabi United Group që prej vitit 2008 dhe gjatë kësaj periudhe ka fituar tetë tituj të Premier League dhe Champions League, krahas trofeve të tjerë.

Në vitin 2020, UEFA e dënoi klubin me përjashtim dyvjeçar nga kompeticionet europiane dhe një gjobë prej 30 milionë eurosh, por Gjykata e Arbitrazhit Sportiv e rrëzoi pezullimin. CAS konstatoi se disa nga shkeljet e pretenduara nuk ishin provuar ose ishin parashkruar, ndërsa la në fuqi një gjobë prej 8.8 milionë paundësh për mosbashkëpunim me UEFA-n. (A2 Televizion)

Po ndodh...

18:15 AKTUALITET

Zjarr i përmasave të mëdha në Kreshpan të Fierit, digjen dhjetëra rrënjë ullinj

18:07 FJALEKRYQI

Skemë kampionësh 28 shtator

17:56 KOSOVA

Partitë pa marrëveshje për presidentin e ri teksa afati po përfundon

17:54 AKTUALITET

Gazetari nga Kosova shkruan për dy rusët që urdhëruan Vlora Hysenin të vëzhgonte diplomatin amerikan, hakerat u publikojnë identitetet

17:37 BOTA

Nga bateri të përdorura të makinave elektrike në depo energjie, mundësia e re që po shqyrton Europa

17:36 BOTA

BE përgatit mekanizëm të ri për kërcënimet hibride, në koordinim me NATO-n

17:20 AKTUALITET

Thatësira dhe kostot e larta godasin misrin, fermerët e Gjergjanit në Elbasan: Nuk na del as qiraja

17:13 POLITIKË

Belshi i thotë “Jo” bashkimit me Elbasanin, PD voton kundër, socialistët abstenojnë

16:59 BOTA

Alarm për bombë në Harvard, autoritetet u bëjnë thirrje studentëve të qëndrojnë brenda

16:56 FJALEKRYQI

Skemë sportive 28 shtator

16:53 SPORT

Broja në rënie të lirë, bie vlera e sulmuesit kuqezi

16:30 AKTUALITET

Dyshohet se përdhunoi një shtetase dhe i vodhi paratë, shpallet në kërkim 43-vjeçari në Vlorë

16:35 AKTUALITET

Më shumë aksidente në rrugët e vendit, Tirana dhe Durrësi kryesojnë

16:21 AKTUALITET

Alarm në Lezhë! Flakët përfshijnë bimësinë, rrezikohen banesat nga përhapja e zjarrit

Dua të lexoj më shumë lajme