Tragjedia në Athinë ku humbën jetën tre shqiptarë, zbardhet pista kryesore e shpërthimit, gazi rrodhi nga banesa e çiftit të moshuar

Hetimet për shpërthimin tragjik në një ndërtesë në Plaka të Athinës, ku humbën jetën gjashtë persona, mes tyre Florida Hoxha, bashkëshorti i saj Ian Alexander Kirkpatrick, Eris Çani dhe Florin Hoxha, janë përqendruar te pista e një rrjedhjeje të gazit natyror nga një prej apartamenteve.

Autoritetet greke po hetojnë mundësinë që rrjedhja të ketë nisur nga apartamenti në katin e dytë të ndërtesës në rrugën Lysikratous. Hetuesit e Drejtorisë së Parandalimit të Krimeve të Zjarrvënies kanë kontrolluar fillimisht rrjetin qendror të gazit natyror, por testet e kryera nuk kanë evidentuar rrjedhje.

Kontrollet e zhvilluara në trotuar dhe në rrjetin kryesor kanë treguar se infrastruktura qendrore nuk kishte probleme, duke e zhvendosur vëmendjen e hetuesve tek instalimet brenda ndërtesës.

Sipas të dhënave të deritanishme, apartamenti në katin e dytë, ku jetonte një çift i moshuar, ishte i vetmi në ndërtesë që kishte lidhje me rrjetin e gazit natyror. Pikërisht për këtë arsye autoritetet dyshojnë se aty mund të ketë nisur rrjedhja që më pas shkaktoi shpërthimin vdekjeprurës.

Brenda apartamentit ndodheshin tri pajisje të lidhura me gazin: një sobë, një oxhak dhe një ngrohës uji. Ende nuk është përcaktuar nëse njëra prej tyre ka qenë burimi i rrjedhjes dhe hetimet po vazhdojnë për të përcaktuar mekanizmin e saktë që çoi në tragjedi.

Shpërthimi ishte jashtëzakonisht i fuqishëm, duke shkaktuar shembjen e ndërtesës, ndërsa vala goditëse dëmtoi edhe objekte, biznese dhe automjete në zonën përreth.

Bilanci ishte tragjik, me gjashtë persona që humbën jetën. Mes viktimave ishin Florida Hoxha dhe bashkëshorti i saj, Ian Alexander Kirkpatrick, të cilët kishin udhëtuar në Greqi për muajin e mjaltit.

Në tragjedi humbën jetën edhe Eris Çani dhe Florin Hoxha, të cilët prisnin të bëheshin prindër. Dy viktimat e tjera ishin banorë të ndërtesës ku ndodhi shpërthimi.

Ndërkohë, më 27 shtator, familjarët e viktimave mbërritën në Greqi pas kërkesës së autoriteteve. Ata pritet të japin material gjenetik për krahasimin e ADN-së, në mënyrë që të përfundojë procesi i identifikimit të trupave.

Hetimet vijojnë, ndërsa ekspertët po përpiqen të përcaktojnë burimin e saktë të rrjedhjes së gazit dhe të rindërtojnë të gjithë zinxhirin e ngjarjeve që çoi në shpërthimin tragjik.

Po ndodh...

18:15 AKTUALITET

Zjarr i përmasave të mëdha në Kreshpan të Fierit, digjen dhjetëra rrënjë ullinj

18:11 SPORT

Manchester City rrezikon humbjen e titujve dhe përjashtim nga Premier League

18:07 FJALEKRYQI

Skemë kampionësh 28 shtator

17:56 KOSOVA

Partitë pa marrëveshje për presidentin e ri teksa afati po përfundon

17:54 AKTUALITET

Gazetari nga Kosova shkruan për dy rusët që urdhëruan Vlora Hysenin të vëzhgonte diplomatin amerikan, hakerat u publikojnë identitetet

17:37 BOTA

Nga bateri të përdorura të makinave elektrike në depo energjie, mundësia e re që po shqyrton Europa

17:36 BOTA

BE përgatit mekanizëm të ri për kërcënimet hibride, në koordinim me NATO-n

17:20 AKTUALITET

Thatësira dhe kostot e larta godasin misrin, fermerët e Gjergjanit në Elbasan: Nuk na del as qiraja

17:13 POLITIKË

Belshi i thotë “Jo” bashkimit me Elbasanin, PD voton kundër, socialistët abstenojnë

16:59 BOTA

Alarm për bombë në Harvard, autoritetet u bëjnë thirrje studentëve të qëndrojnë brenda

16:56 FJALEKRYQI

Skemë sportive 28 shtator

16:53 SPORT

Broja në rënie të lirë, bie vlera e sulmuesit kuqezi

16:30 AKTUALITET

Dyshohet se përdhunoi një shtetase dhe i vodhi paratë, shpallet në kërkim 43-vjeçari në Vlorë

16:35 AKTUALITET

Më shumë aksidente në rrugët e vendit, Tirana dhe Durrësi kryesojnë

Dua të lexoj më shumë lajme