Me 4 pistoleta “Glock” drejt Sarandës/ Dëshmia e 31-vjeçarit: Unë u nisa për pushime, ma futi shoku

Detaje të reja kanë dalë nga hetimet për 31-vjeçarin Kejdi Banaj, i cili u arrestua dy javë më parë në tunelin e Skërficës, në aksin Kardhiq–Delvinë, pasi në automjetin e tij u gjetën katër pistoleta tip “Glock”.

Sipas raportimeve, policia kishte siguruar informacione se Banaj po transportonte armë zjarri me një automjet të marrë me qira, me destinacion Sarandën. Dyshohej gjithashtu se gjatë rrugës ai do të merrte edhe një sasi prej rreth 500 gramësh kokainë në Lushnjë, për ta shpërndarë më pas në doza në qytetin bregdetar.

Gjatë kontrollit të automjetit në tunelin e Skërficës, efektivët gjetën armët e fshehura poshtë tapicerisë së sediljes së pasagjerit të parë, brenda një qeseje të zezë.

Në dëshminë e tij fillestare në polici, Banaj ka mohuar se kishte dijeni për përmbajtjen e qeses. Ai ka deklaruar se ishte nisur drejt Sarandës për të kërkuar një apartament me qira për pushime dhe se një person i njohur prej vitesh, me inicialet E. S., i kishte kërkuar ta shoqëronte.

Sipas versionit të 31-vjeçarit, në Tiranë, E. S. dhe kunati i tij kanë marrë një qese të zezë pranë autostradës së Kasharit dhe e kanë vendosur në makinën që drejtonte ai, ndërsa më pas janë larguar me një automjet tjetër.

“Më mori E. S., që e njoh prej rreth 20 vitesh. Më tha të shkonim në Sarandë për të gjetur një shtëpi për pushime. Në Tiranë mori një porosi dhe e futi në makinën time, ndërsa vetë u largua me një automjet tjetër. Vetëm kur më ndaloi policia kuptova çfarë kishte në qesen e zezë”, ka deklaruar Banaj para gjykatës.

Në seancën për caktimin e masës së sigurisë, 31-vjeçari ka ndryshuar pjesërisht qëndrim, duke deklaruar se është përdorues i lëndëve narkotike prej disa vitesh dhe duke përsëritur se nuk kishte dijeni për përmbajtjen e pakos.

Nga hetimet rezulton se personi i përmendur prej tij, E. S., 26 vjeç nga Tirana, dyshohet se ka rol në transportin e armëve dhe është shpallur në kërkim edhe për një tjetër ngjarje të ngjashme të ndodhur në muajin mars të këtij viti.

Gjykata ka caktuar për Kejdi Banajn masën e sigurisë “Arrest në burg”, ndërsa hetimet vijojnë për zbardhjen e plotë të ngjarjes dhe identifikimin e personave të tjerë të përfshirë.

Po ndodh...

20:02 AKTUALITET

Laborator kokaine në Itali, arrestohen 5 persona, mes tyre një shqiptar

19:40 POLITIKË

Zbulohen datat/ Protesta detyron Ramën të mbledh Qeverinë dhe Asamblenë e PS, pritet tërmet

19:36 AKTUALITET

Përshkallëzohet zjarri në Mallakastër, pritet ndërhyrja nga ajri

19:15 AKTUALITET

FOTO/ Aksident në Vlorë, përplasen dy makina

19:00 POLITIKË

Eric P. Wendt ambasador i SHBA-ve në Shqipëri, analisti Ben Andoni: Do të trazojë ujërat e politikës shqiptare

18:48 POLITIKË

Tre vite pa fondet IPARD në bujqësi

18:41 POLITIKË

68 ditë protesta masive, qytetarët nuk tërhiqen. Kërkojnë dorëheqjen e kryeministrit dhe hetimin e tij nga SPAK-u

18:36 BOTA

Temperaturat ekstreme, Italia zgjat oraret e monumenteve pasdite

18:12 POLITIKË

“Dosjet po hetohen dhe po thellohen, për Ballukun…”/ Eric Wendt ambasador i ri në Shqipëri, Ermal Peçi: PD e PS i ka kapur pesimizmi, do të jetë ‘tërmet’ për politikën shqiptare

17:46 BOTA

Britania shpall një paketë të re sanksionesh ndaj Rusisë

17:26 KOSOVA

Ambasada e SHBA-së: Ngërçi politik po i kushton Kosovës, institucionet duhet të formohen sipas Kushtetutës

17:07 BOTA

Mashtrim spektakolar në Francë/ Pensionistët humbin pasuri prej 1.1 milionë eurosh nga “punonjësit e sigurisë”

17:00 FJALEKRYQI

Skemë kampionësh 6 gusht

16:46 BOTA

Refuzoi që të dëshmonte mbi pandeminë, Senati amerikan shpall fajtor Anthony Faucin për shpërfillje të Kongresit

Dua të lexoj më shumë lajme