Në pranga dy ish-drejtorë të Kadastrës Fier dhe Kastriot Hasko, zbardhet skema e tjetërsimit të pronave në Seman

4 persona janë arrestuar me kërkesë të Prokurorisë së Fierit, në kuadër të një hetimi për falsifikim dokumentesh dhe shpërdorim detyre.

Mes të arrestuarve janë dy ish-drejtorë të ASHK-së Fier, një specialist jurist i këtij institucioni dhe personi që dyshohet se ka përfituar pronat.

Gjykata e Shkallës së Parë e Juridiksionit të Përgjithshëm Fier ka caktuar masën e sigurisë “Arrest në burg” për Ertis Shehun dhe Bardh Kapaj, ish-drejtorë të ASHK-së Fier, P.Ç., specialist dhe jurist pranë këtij institucioni, si dhe Kastriot Hasko i dyshuar si përfituesi i pronave.

Hetimi

Sipas Prokurorisë së Fierit, hetimi është zhvilluar në kuadër të procedimit penal nr. 1026 të vitit 2025, në bashkëpunim me Policinë Gjyqësore të Drejtorisë Vendore të Policisë Fier dhe përmes përdorimit të metodave proaktive.

Në kuadër të hetimit janë sekuestruar më shumë se 76 pasuri, me një sipërfaqe totale prej rreth 1143 hektarësh tokë, si dhe 150 mijë euro.

Si dyshohet se u përfituan pronat

Sipas organit të akuzës, K.H. dyshohet se ka përdorur si tituj pronësie dy vendime të falsifikuara të Komisionit të Kthimit dhe Kompensimit të Pronave Fier.

Mbi bazën e këtyre dokumenteve, ai dyshohet se ka arritur të regjistrojë në bashkëpronësi të tij dhe të katër personave të tjerë një sipërfaqe prej rreth 1143 hektarësh, e ndodhur në zonat kadastrale 3301 dhe 3358, në Seman i Ri dhe Sheq Marinas.

Më pas, sipas Prokurorisë, K.H. është paraqitur si bashkëpronar dhe përfaqësues i bashkëpronarëve të tjerë. Përmes një prokure të posaçme që dyshohet se ishte e falsifikuar, ai më pas ua ka shitur tokën dy shoqërive të ndryshme.

Dyshimet ndaj ish-zyrtarëve të ASHK-së

Prokuroria pretendon se ish-drejtorët e ASHK-së Fier, E.Sh. dhe B.K., së bashku me specialistin P.Ç., kanë regjistruar pasuritë në bashkëpronësi të K.H., në kundërshtim me legjislacionin për kadastrën dhe rregullat për përfundimin e proceseve kalimtare të pronësisë.

Hetimet vijojnë për dokumentimin e plotë të veprimeve të dyshuara dhe përgjegjësive të personave të përfshirë.

Po ndodh...

10:35 POLITIKË

Erion Braçe dëgjohet të ngrejë zërin dhe debate/ Çfarë po ndodh brenda mbledhjes me dyer të mbyllura të socialistëve?

10:32 AKTUALITET

Plagosi babanë e ish-bashkëjetueses, gjykata vendos për dajën e Zegjine Çaushit

10:18 POLITIKË

"Rama n’burg, Berisha n’burg!"/ Qytetarët protestë para Kuvendit kundër klasës politike

10:14 EKONOMI&SOCIALE

Fondi i Pensioneve SIGAL si mundësia më e mirë e investimit të kursimeve

10:12 POLITIKË

Kuvendi, SPAK dhe Gjykata e Tiranës! Protestuesit “blindojnë” disa zona të kryeqytetit, deputetët me makina deri pranë Parlamentit

10:09 POLITIKË

Pas vendimit të Hagës, deputetët e PD-së me simbole të UÇK-së në Kuvend

10:03 POLITIKË

12 protestuesit dalin para gjykatës, mbështetësit mblidhen te dera: Lironi çunat!

09:46 POLITIKË

Mazhoranca rrëzon kërkesën e opozitës për Komision Hetimor për KAYO-n

09:29 BOTA

Si e ndihmon Rusia Iranin të godasë bazat amerikane

09:15 POLITIKË

Sot seancë plenare dhe protestë/ Policia merr masa, bllokon me gardh metalik rrugën që të çon te Kuvendi

08:43 AKTUALITET

Tre të rinj të plagosur me thikë në Sarandë, njëri dërgohet në Tiranë, në pranga 2 persona

08:31 EKONOMI&SOCIALE

Çfarë po ndodh me monedhat e huaja? Ja sa shitet dhe blihet euro dhe dollari për ditën e sotme

08:24 AKTUALITET

Tronditëse në Tiranë! Tezja dhe kushëriri abuzojnë seksualisht me 12-vjeçaren, në telefonin e të miturës gjenden video të rënda pornografike

08:18 EKONOMI&SOCIALE

Rezerva shtetërore e naftës sjell tarifë të re për karburantet, operatorët paralajmërojnë rritje të kostove

Dua të lexoj më shumë lajme