Plumba, tritol, hakmarrje dhe ekzekutimi i Artan Myrtajt/ Saga e përplasjeve që ka trazuar Sarandën prej vitit 2025

Një atentat me armë zjarri tronditi mëngjesin e sotëm qendrën e Sarandës, pranë ish-agjencisë së vjetër, ku për pasojë humbi jetën 44-vjeçari Artan Myrtaj, i njohur ndryshe si “Tani Ruzhdiut”.

Sipas policisë ngjarja ka ndodhur rreth orës 09:55, teksa nga të shtënat mbeti i plagosur edhe një kalimtar rasti, Xhevdet Skëndaj i cili raportohet se është transportuar për ndihmë mjekësore.

Ngjarja ka ndodhur në një zonë të frekuentuar të qytetit, ndërsa autorët dyshohet se kanë ndjekur viktimën dhe kanë qëlluar me armë zjarri.

Sipas informacioneve paraprake, bëhet fjalë për dy persona që lëviznin me motor dhe mbanin skafandra, çka e ka bërë më të vështirë identifikimin e tyre.

Pas të shtënave, autorët janë larguar me shpejtësi nga vendi i ngjarjes ndërsa policia thotë se janë ngritur pika kontrolli në drejtim të Vlorës dhe të Gjirokastrës me qëllim kapjen e tyre.

Myrtaj, i përfshirë në një tjetër ngjarje të rëndë në Sarandë

Emri i Artan Myrtajt ishte bërë i njohur më herët për policinë dhe organet e drejtësisë, pasi rezulton i përfshirë në hetimet për një ngjarje të ndodhur më 17 korrik 2025, në lagjen nr. 4 të Sarandës.

Në atë episod, me armë zjarri u plagosën Ernest Lama dhe Gëzim Hajdaraj, të dy nga Kamza.

Sipas të dhënave të dosjes së hetimit, autor i dyshuar i plagosjes ishte Ramadan Zoto, ndërsa Artan Murtaj, Klaus Jaçaj dhe Erjon Canaj dyshohet se e kanë ndihmuar atë gjatë ngjarjes dhe në largimin nga vendi.

Myrtaj dhe Jaçaj ishin proceduar për veprën penale të “përkrahjes së autorit të krimit” dhe, sipas të dhënave të bëra publike për çështjen, ishin liruar para pak kohësh.

Ndërkohë, Ramadan Zoto ndodhet në burg për plagosjen e Lamës dhe Hajdarajt, ndërsa Erjon Canaj vijon të jetë në kërkim.

Seria e hakmarrjeve pas plagosjes

Pas ngjarjes së korrikut 2025, në Sarandë u regjistruan edhe episode të tjera kriminale, të cilat u lidhën në atë kohë me një zinxhir të mundshëm hakmarrjesh.

Një prej ngjarjeve më të rënda ishte vrasja me lëndë plasëse e Isuf Jaçajt, babait të Klaus Jaçajt. Në një tjetër episod u raportua edhe për dëmtimin e pronës së Ramadan Zotos.

Hetuesit pritet të verifikojnë nëse atentati i mëngjesit të sotëm lidhet me konfliktet e mëparshme apo nëse bëhet fjalë për një ngjarje me motiv tjetër. Në këtë fazë, motivi i atentatit nuk është bërë zyrtarisht i ditur.

Po ndodh...

09:47 AKTUALITET

U kapën duke kultivuar kanabis me vlerë 400 mijë paund, dënohen me burg 2 shqiptarët në Britani

09:19 AKTUALITET

Armët dhe përkrenarja e Skënderbeut, peticion për t’i rikthyer në Shqipëri pas 433 vitesh në Muzeun e Vjenës

09:10 BOTA

“Siguroni ushqime dhe strehim”, SHBA alarm për luftë, Trump kthehet herët nga Camp David

08:54 AKTUALITET

Lufta për kontrollin e drogës në Siçili/ Grupi i Gurrierit sfidon rrjetin shqiptar! Kërcënime, makinë e djegur dhe përplasje të dhunshme

08:42 BOTA

Mbahen zgjedhjet në Berlin dhe Mecklenburg, kancelari Merz nën presion

08:41 SPORT

“Ka konfirmimin nga mjeku”, Granit Xhaka përgjigjet pas akuzave për certifikatën e COVID-19

08:34 EKONOMI&SOCIALE

Këmbimi valutor 20 shtator/ Me sa blihen e shiten sot monedhat e huaja

08:18 KOSOVA

Dita e pestë e protestave kundër vendimit të Speicales, qytetarët mblidhen sërish sonte në sheshin “Skënderbeu”

08:13 BOTA

Irani ekzekuton një person për spiunazh

08:04 AKTUALITET

Kthjellime dhe vranësira, në zonat malore priten reshje shiu, parashikimi i motit për sot

07:54 JETË

Horoskopi 20 shtator 2026, zbuloni parashikimet e yjeve

00:06 SPORT

Raphinha show, Barcelona feston në Sevilla

00:01 FJALEKRYQI

Skemë e lirë 20 shtator

23:38 SHOWBIZ

Candice Swanepoel rikthehet në pistën e Victoria’s Secret, konfirmohet data e sfilatës

Dua të lexoj më shumë lajme