English
Luaj me Fjalëkryq
Lajme flash

Detajet/ Presidenti i FSHF, Armand Duka do ndërtojë 2 “grataçela” te ish-godina e ATSH, Rama firmos lejen!

5 Mars 2025, 12:53 / POLITIKË ALFA PRESS

Detajet/ Presidenti i FSHF, Armand Duka do ndërtojë 2

Koorporata e Investimeve Shqiptare (KISH) ka shpallur fituesin e ankandit për ndërtimin e kullave të reja në truallin e ish-godinës historike të Agjencisë Telegrafike Shqiptare (ATSH).

Kompania “AIBA”, e zotëruar 100% nga Presidenti i Federatës Shqiptare të Futbollit, Armand Duka, ka fituar ankandin me një ofertë prej 46.1%, duke tejkaluar konkurrentin e saj, shoqërinë “Progeen” shpk, e cila ofroi 45%.

Detajet e projektit

Sipas dokumenteve të KISH, në këtë truall do të ndërtohet VOID Tower, një kompleks me dy kulla të larta me sipërfaqe të zhvilluar prej 87,000 m² dhe një kosto prej 110 milionë euro.

Ky projekt do të përfshijë hapësira për banim, ambiente tregtare dhe zyra, ndërsa shteti shqiptar do të përfitojë një përqindje të caktuar nga ndërtimi dhe administrimi i objektit.

Detajet/ Presidenti i FSHF, Armand Duka do ndërtojë 2


Procesi i përzgjedhjes

Tenderi i hapur nga qeveria disa javë më parë kishte si kriter bazë për ofertat një përqindje minimumi 45%, e cila i referohet sipërfaqes që do të përfitojë shteti në ndërtesën e re. AIBA u shpall fituese pasi ofroi përqindjen më të lartë mbi këtë minimum.

Projekti arkitekturor

VOID Tower do të zhvillohet sipas një projekt-ideje arkitekturore të përgatitur nga Andrea Kaputo, Focus Architecture, OpenFabric dhe James Beckett. KISH thekson se ndërtimi do të kryhet në përputhje me planin urbanistik dhe me angazhimin e firmës private për respektimin e kushteve të marrëveshjes.

Përfundimi i kontratës

Me shpalljen e fituesit, procesi tani kalon në fazën e përzgjedhjes së partnerit privat, kualifikimit dhe finalizimit të kontratës së sipërmarrjes me Korporatën e Investimeve Shqiptare.

Ky projekt shënon një tjetër transformim urban në Tiranë, duke i hapur rrugë zhvillimit të një prej zonave më qendrore dhe të rëndësishme të kryeqytetit./Shqip.com

 

Po ndodh...

Dua të lexoj më shumë lajme

ide

top

receta Alfa

TRENDING

shërbime

  • POLICIA129
  • POLICIA RRUGORE126
  • URGJENCA112
  • ZJARRFIKESJA128