Lajme flash
Emrat e delegacionit zyrtar/ Berisha fshihet pas fustanit të Albana Vokshit, për t’u futur në Asamblenë e Këshillit të Europës!
26 Janar 2026, 13:46 / POLITIKË
Vjen një moment kur propaganda pushon së qeni thjesht gënjeshtër politike dhe kthehet në farsë dhe ky është rasti i fundit i Sali Berishës, në Asamblenë Parlamentare të Këshillit të Europës, ku del qartë një përpjekje e dëshpëruar dhe e shëmtuar për të simuluar rëndësi ndërkombëtare, në një kohë kur të gjitha rrugët reale drejt Perëndimit i janë mbyllur.
Një dokument zyrtar që Alfapress.al, ka mundur të sigurojë, shihet qartë se në delegacionin shqiptar figurojnë emra konkretë, të autorizuar institucionalisht, ndërkohë që përfaqësuese e PD-së e ftuar nga Strasburgu është vetëm Albana Vokshi.
Emri i Berishës nuk ekziston askund, as si anëtar, as si zëvendësues, as si “i ftuar”.
Duhet ditur se Asambleja Parlamentare nuk funksionon me hije, as me persona të padeklaruar, as me “hyrje nga dera e pasme”.
Dhe megjithatë, Berisha ka tentuar ta shesë publikisht praninë e tij si pjesëmarrje zyrtare. Kjo nuk është më thjesht manipulim politik, por përpjekje për të mashtruar opinionin publik dhe militantët e vet, duke krijuar iluzionin e një mbështetjeje ndërkombëtare që nuk ekziston.
Pse ndodh kjo? Sepse realiteti është i egër dhe Berishës i janë mbyllur të gjitha dyert në kancelaritë evropiane dhe amerikane. Ai nuk pritet, nuk ftohet, nuk konsiderohet. Nuk është partner politik, por një figurë e izoluar, e padëshiruar në forumet serioze perëndimore. Dhe kur nuk të hapin dyert, tenton të futesh nga dritarja.
Kështu lind edhe absurdi politik, ku një ish-kryeministër, që dikur shëtiste në samite ndërkombëtare, sot “detyrohet” të fshihet pas fustanit të Albana Vokshit për të hyrë fshehurazi në Strasburg, ndërsa jashtë Shqipërisë askush nuk e njeh si përfaqësues legjitim. Ndërkohë, brenda vendit, demokratëve u shitet përralla e radhës për “mbështetje të fortë ndërkombëtare”, për “aleatë strategjikë”, për “Perëndimin që është me ne”.
E vërteta është e thjeshtë dhe e hidhur: kjo mbështetje as nuk është, as nuk ka më mundësi të rikthehet.
Ironia historike e PD-së është se i vetmi drejtues që realisht e kishte këtë mbështetje — nga BE dhe SHBA ishte Lulzim Basha. Pikërisht ai u shpall “spiun i Perëndimit”, u linçua dhe u përzë nga Berisha. Sot, i njëjti Berishë prodhon skena groteske, duke tentuar të legjitimohet me marifete që nuk i shkojnë as një militanti anonim, e jo më një ish-kryeministri.
Politika serioze nuk bëhet me badge fallco, as me hyrje të fshehta, as me lista që nuk ekzistojnë. Kur Perëndimi të mbyll dyert, nuk i hap dot duke gënjyer publikun shqiptar. Dhe kur e vetmja mënyrë për t’u dukur “ndërkombëtar” është të fshihesh pas emrit të një deputeteje, atëherë problemi nuk është dokumenti, është skadenca politike./Alfapress.al
Po ndodh...
Revolucioni mbaroi, Edi Rama vazhdon i qetë
Nga Bato Kosova
ide
top
receta Alfa
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128