Lajme flash

Integrimi në BE/ Rama e kthen në batutë: Jemi të dashuruar, po ajo na sheh me dyshim! Të fton të dielën tek shtëpia e prindërve, vishesh e zbukurohesh, por…

15 Prill 2025, 18:46 / POLITIKË ALFA PRESS

Integrimi në BE/ Rama e kthen në batutë: Jemi të dashuruar,

Kryeministri Edi Rama thotë se nëse Shqipëria futet në Bashkimin Evropian pozicioni i vendit tonë do të ndryshojë. Nëse në këtë proces zvarritemi – tha Rama -mund të na ndodhë sic u ka ndodhur shumë vendeve të tjera.

Në mënyrë metaforike, kreu i qeverisë tha se në raport me BE Shqipëria është “si i dashuruari, por që vajza e shikon me dyshim”.

“Natyrisht ata janë familje e pasur, ti je dinjitoz, por…sss…në momentin kur ti futesh atje dhe të thotë vjehrri dhe vjehrra do marrësh drejtimin e kësaj pjese të kompanisë tonë, ti kalove dhe u bërë aksioner”, u shpreh Rama.

Rama: Se sot ne jemi si ata të dashuruarit që ti je i dashuruar, por ajo të sheh me dyshim. Të fton tek shtëpia e prindërve të dielën, ti vishesh, rregullohesh, zbukurohesh sa mundesh, shkon aty përpiqesh të sillesh mirë etj. Pastaj del dhe rri pret të dielën tjetër. Pret, si ju duka vjehrrës dhe vjehrrit të ardhshëm, cfarë tha kunata e ardhshme. Është tmerr kjo. Natyrisht ata janë familje e pasur, ti je dinjitoz, por…sss…në momentin kur ti futesh atje dhe të thotë vjehrri dhe vjehrra do marrësh drejtimin e kësaj pjese të kompanisë tonë, ti kalove dhe u bërë aksioner. Shkon pastaj dhe thua ishalla spo më fton të dielën se nuk kam kohë. Kështu që për këtë duhet të luftojmë dhe këtë duhet të realizojmë dhe unë jam i bindur që do ta realizojmë.

 

Po ndodh...