“Protestat do kenë kulminacion më të madh”, Koçeku tregon bisedat me diplomatët: Ata po monitorojnë situatën, mbështesin çdo rrymë demokratike

Deputetja e pavarur Marjana Koçeku, e ftuar në emisionin Prime News24 foli edhe për takimet që ka pasur me diplomatë ndërkombëtarë.

Koçeku u shpreh se ndërkombëtarët janë duke e monitoruar situatën me kujdes. Ajo shtoi se diplomatët mbështesin çdo rrymë demokratike në vend.

“Që kur kam dhënë dorëheqjen si deputete e PS, kam pasur takime me diplomatë të huaj, edhe në Bruksel disa herë, por edhe me përfaqësitë diplomatike që janë në vendin tonë. Po monitorojnë situatën nga afër dhe me shumë kujdes, pavarësisht se pozita e tyre dhe gjuha diplomatike nuk ua lejon shpesh herë që të shprehen ashtu siç do të donim ne ose ashtu siç kemi ne pritshmëritë.

Ata mbështesin çdo rrymë demokratike, është sigurisht e tillë dhe kjo që po ndodh, por faktorët e dhunës shpesh herë dhe penalizojnë, për të pasur një mbështetje haptazi. E kam parë se kanë një qasje pozitive ndaj reagimit dhe tentativës për të krijuar një kulturë të re politike shqiptare, nëpërmjet kësaj lëvizjeje”, tha Koçeku.

Deputetja Marjana Koçeku vlerësoi se duhet një bashkim i madh opozitar, që të rrëzohet kjo qeveri. Sipas saj, protestat do kenë një kulminacion edhe më të madh.

“Thirrjet e sheshit janë kundër gjithë establishmentit që kanë qenë në pushtet për 36 vite. Bashkimi i të gjitha forcave opozitare do ishte tepër pozitive. Bashkimi nuk duhet të konsiderohet i pamundur. Kjo, sepse edhe vetë protesta përpara se të ndodhte, nuk e imagjinonim se do bëhej kaq e madhe. Kryeministri Rama do që të ketë përçarje, kjo i leverdis. Por duhet një bashkim i gjerë, që të jetë kundër kësaj qeverie në një front. Ajo që ndodhi në Serbi mund të jetë shembull edhe për Shqipërinë, patjetër, pavarësisht se atje ka një tjetër realitet. Ka një presion të tepruar ndaj protestuesve që të kenë version politik, sepse pesë muaj nuk janë shumë për të nxjerrë një përfaqësi. Besoj se protesta të bëhet akoma më e madhe. Do të kenë kulminacion më të madh”, u shpreh Koçeku.

Po ndodh...

20:28 BOTA

Presidenti Trump në krah të Bruce Blakeman në garën për guvernator të New York: Ka mbështetjen time të plotë, votoni për të! Kathy Hochul është radikale dhe e rrezikshme

20:20 KOSOVA

Pas 27 vitesh zbardhet fati i tre prej intelektualëve të zhdukur gjatë luftës

20:03 BOTA

Avionët në shënjestër? Zbulohen kërcënime me bomba, alarmohen autoritetet europiane

19:45 BOTA

SHBA rikthen Rusinë dhe Ukrainën në tryezën e bisedimeve, zbulohet data e takimit Moskë-Kiev

19:13 POLITIKË

Pazari 5-miliardë i naftës: Rama përgatit kalimin e “Bankers” te izraelitët e “Delek”

18:47 POLITIKË

Ambasadorja e BE-së takon Gazment Bardhin: Diskutime mbi sigurimin e llogaridhënies së ekzekutivit! Kuvendi të jetë hapësirë dialogu për integrimin europian

18:29 BOTA

Aleanca e Mekës, Britania apo…Kush mund ta mbrojë Arabinë Saudite nga sulmet e Huthëve?

18:15 AKTUALITET

Vetëplagoset me armën e shërbimit një ushtar në Bazën Ajrore të Kuçovës

18:05 BOTA

E goditi me shuplakë në vesh në mes të rrugës, gruaja humb dëgjimin përgjithmonë! Arrestohet 38-vjeçari në Turqi

17:37 EKONOMI&SOCIALE

Keni ndonjë pyetje për Tatimet? Ju përgjigjet Muçi

17:32 AKTUALITET

Dimri i izolon sërish, banorët e Orgjocit: Rruga drejt Kukësit është e pakalueshme

17:18 BOTA

Pas zgjedhjeve pa fitues në Izrael, opozita nis diskutimet për koordinimin e koalicionit për largimin e Netanyahut

17:04 FJALEKRYQI

Skemë kampionësh 3 nëntor

17:01 BOTA

Grabitja e 6 mld dollarëve nga Binance, Koreja e Veriut nuk pranon përgjegjësinë: Provokim!

Dua të lexoj më shumë lajme