Lajme flash
Protestuesi: Rama të shkojë në burg si Veliaj. SPAK të çojë në Kuvend kërkesën për arrestimin e Ballukut
15 September 2026, 19:45 / POLITIKË
Në protestën e 108, protestuesi Edison Lika tha se pasi Erion Veliaj u mbajt në burg sot me vendim të Gjykatës së Lartë, radhën e kanë Edi Rama e Belinda Balluku.
Lika theksoi se protestuesit e shqiptarët nuk harrojnë Ardit Gjoklajn, nuk e falin Teatrin. Shtoi se inceneratorët për plehrat nuk ekzistojnë dhe paratë janë vjedhur.
“Veliaj u la në burg sot nga Gjykata e Lartë. Radhën pas tij e ka Rama dhe Balluku. Ne nuk e harrojmë Ardit Gjoklajn, nuk e falim Teatrin, nuk harrojmë as 2 milionë pemët, që nuk ekzistojnë. Inceneratorët nuk ekzistojnë. Janë dhënë vetëm para, që Veliaj të lajë fytyrën. Nuk ka qytetar në Tiranë që nuk e di që hajdut e zvarranik si ai nuk ka parë ky qytet”, tha ai.
Më tej, theksoi se Rama meriton të futet në burg e mos të shohë dritën e diellit me sy, vetëm për projektet kriminale me kulla, që janë tek Albanian Files. Tha se duhet të çohet në Kuvend kërkesa për arrestimin e Ballukut.
“Duhet të dërgohet në Kuvend kërkesa për arrestimin e Ballukut. Vetëm me projektet që janë tek Albanian Files, Rama meriton të futet në burg e mos ta shohë më dritën e diellit me sy.
SPAK të hetojë Ramën. Edi Rama sillet si pronari i Shqipërisë, që privatizon e shet sektorë të ndryshëm të ekonomisë”, deklaroi Lika.
Po ndodh...
Basha, Berisha dhe një takim me prindër në SHBA!
Nga Ermal Peçi
ide
Tri krizat dhe tri zgjidhjet
Nga Përparim Gjeka
Pafajësi për çlirimtarët, që të mos gjykohet historia!
Nga Azgan Haklaj
top
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128