Lajme flash
Makarona furre me spinaq dhe gjizë
30 Tetor 2025, 09:58 / RECETA ALFA
Përbërësit:
1 pako kaneloni (makarona tub të mëdha)
100 gr djathë kaçkavall
Gjalpë për lyerjen e tavës
Për mbushjen:
500 gr spinaq
300 gr gjizë
1 tufë kopër
2 vezë
2 lgj vaj ulliri
Kripë, piper i zi, arrëmoskat
Për salcën beshamel:
1 litër qumësht
100 gr gjalpë
100 gr miell
Kripë, arrëmoskat
Përgatitja:
Kaurdisim pak spinaqin në vaj ulliri derisa të ulet volumi. Shtojmë kripë, piper dhe e lëmë të ftohet. Më pas e përziejmë me gjizën, koprën, vezët dhe djathin e bardhë. Përgatisim beshamelin, shkrijmë gjalpin në një tenxhere, shtojmë miellin dhe e përziejemë me lugë druri derisa të marrë ngjyrë të artë të lehtë. Shtojmë gradualisht qumështin duke e përzier vazhdimisht që të mos formojë kokrriza. Rregullojmë shijen me kripë, piper dhe pak arrëmoskat. Mbushim tubat e makaronave me masën e spinaqit me një lugë të vogël ose qese pastiçerie. I vendosim në tavë të lyer me pak gjalpë, sipër hedhim salcën beshamel dhe në fund djathin e grirë kaçkavall. E vendosim tavën në furrë të parangrohur në 190°C për 30–35 minuta, derisa të marrë ngjyrë të artë.
Receta nga Zonja Albana, emisioni "Rreze Dielli"
Po ndodh...
ide
top
receta Alfa
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128