Rigels Seliman: Farsa në Hagë po mbyllet, lirinë krerëve të UÇK-së s’ua merr dot askush

Teksa na ndajnë edhe pak ditë nga dita kur gjykata do të shpallë vendimin për krerët e UÇK-së që po gjykohen në Hagë, nuk mund të rrija pa thënë dy fjalë për këtë proces, që për mua është kryekëput një farsë. Është një proces që ka zgjatur pafundësisht dhe që ka lënë pas vetes shumë dhimbje, pikëpyetje dhe një ndjenjë të thellë padrejtësie te shqiptarët.

Në bankën e të akuzuarve ndodhen Hashim Thaçi, Kadri Veseli, Rexhep Selimi dhe Jakup Krasniqi, njerëz që historia e Kosovës i njeh si figura të rëndësishme të luftës për çlirim.

Ata nuk e zgjodhën luftën për lavdi apo pushtet, por u gjendën në një kohë kur populli shqiptar i Kosovës përballej me dhunë, dëbime, vrasje dhe represion të egër. UÇK-ja ishte shpresa e një populli që kërkonte të jetonte i lirë në tokën e vet dhe të mos përkulej më përpara dhunës. Prandaj, sot, mbështetja për krerët e saj është për shumë shqiptarë një akt mirënjohjeje ndaj atyre që u ngritën për lirinë e Kosovës.

Është e vështirë të kuptosh se si historia mund të vendosë në qendër të vëmendjes ata që luftuan për çlirimin, ndërsa krimet e tmerrshme të kryera ndaj civilëve shqiptarë ende kërkojnë drejtësi të plotë. Masakrat, vrasjet, dhunimi, dëbimet dhe shkatërrimi i mijëra familjeve shqiptare nga okupatori serb nuk mund të harrohen dhe nuk mund të relativizohen. Nëse drejtësia është vërtet qëllimi, ajo duhet të jetë e barabartë dhe të mos njohë standarde të dyfishta. Nuk mund të ketë drejtësi të plotë nëse viktima ndihet e harruar, ndërsa agresori dhe përgjegjësit e krimeve të tij mbeten jashtë vëmendjes së saj. Thaçi, Veseli, Selimi dhe Krasniqi meritojnë që historia e tyre dhe e luftës së UÇK-së të gjykohet me fakte, me drejtësi dhe pa paragjykime.

Për mua dhe për shumë shqiptarë, ata mbeten burra që u rreshtuan në anën e lirisë në një nga momentet më të vështira të historisë sonë.

Edhe nëse një gjykatë do të shpallë një vendim, asnjë vendim nuk mund ta ndryshojë faktin se Kosova sot është e lirë dhe se liria e saj u pagua me sakrificën e shumë njerëzve.

Liria nuk mund të dënohet, kujtesa nuk mund të burgoset dhe sakrifica e një populli nuk mund të fshihet pas mureve të një gjykate. Prandaj, në këto ditë kur presim vendimin, le të mbetet e gjallë shpresa për drejtësi dhe bindja se historia do ta ruajë të vërtetën e luftës së Kosovës dhe sakrificën e atyre që luftuan për liri.

Po ndodh...

12:01 EKONOMI&SOCIALE

Pse i kemi çmimet kaq të shtrenjta?!/ TVSH e ushqimeve, ndër më të lartat në Europë

11:56 KOSOVA

Konstituohet Kuvendi i Kosovës, deputetja e Listës Srpska Tanja Vujoviç zgjidhet nënkryetare

11:51 AKTUALITET

Të përfituara nga të ardhurat kriminale, sekuestrohen 3 makina luksoze në Vlorë

11:26 POLITIKË

Pas arrestimit të Veliajt, futet “në krizë” kompania e vëllait. Fitimet e “Gogel” ulen me 60%

11:01 KOSOVA

PDK pezullon kandidaturën e Çitakut për nënkryetare të Kuvendit të Kosovës

10:47 POLITIKË

Nga Fieri, Vlora dhe Korça, Rama njofton hapjen e 4 universiteteve të reja

10:34 AKTUALITET

Stuhia në Elbasan/ Përmbytet qyteti, dhjetëra banesa e makina nën ujë

10:10 POLITIKË

Të dytët në Ballkan, Rama reagon sërish për ngërçin e pagave të magjistarëve: Kemi rrogat më të larta se në Greqi për gjyqtarët fillestarë

09:46 BOTA

Mbytet anija e pasagjerëve në Indonezi, ekipet e shpëtimit kërkojnë pët të mbijetuar

09:30 AKTUALITET

Të shtëna me armë në Mat! Qëllohet me breshëri në drejtim të një makine! Autorët djegin edhe mjetin e tyre

09:10 EKONOMI&SOCIALE

Çfarë po ndodh me monedhat e huaja? Ja sa shitet dhe blihet euro dhe dollari për ditën e sotme

09:08 BOTA

Goditet me raketë anija në Ngushticën e Hormuzit, Trump bën fajtor Iranin

09:04 POLITIKË

“Protestat në Tiranë vazhdojnë”/ Agjencia ndërkombëtare “Associated Press”: Qytetarët kërkojnë largimin e Ramës dhe qeverisë së tij

08:52 EKONOMI&SOCIALE

Bujqësia shqiptare në vështirësi/ Fermerët përballen me kosto 18 herë më të larta se subvencionet në rajon

Dua të lexoj më shumë lajme