Shkrihen 15 bashki/ Kalon në parlament "Reforma Teritoriale" me 85 vota pro

Mazhoranca socialiste ka miratuar në Kuvend Reformën e re Territoriale, duke shkrirë 15 bashki dhe duke e çuar numrin e njësive vendore nga 61 në 46. Me votat e shumicës, të siguruara mes presionit politik dhe akuzave për shantazh ndaj deputetëve të Rilindjes, Rama së bashku me Tom Doshin, kaloi në parlament ligjin e shumëdebatuar. 

Votimi i sotëm prek drejtpërdrejt strukturën e pushtetit vendor.

15 bashki kanë humbur statusin e tyre si njësi të veçanta vendore, ndërsa territori do të organizohet tashmë në 46 bashki.

Bashkitë e shkrira janë: Fushë-Arrëzi, Klosi, Rrogozhina, Dimal, Poliçani, Patosi, Divjaka, Selenica, Maliqi, Këlcyra, Memaliaj, Libohova, Cërriku, Belshi dhe Prrenjasi.

Qeveria e ka argumentuar reformën me nevojën për një pushtet vendor më eficient, më të qëndrueshëm financiarisht dhe me kapacitete më të mëdha për ofrimin e shërbimeve.

Por, ndërkohë, këshillat bashkiakë të këtyre bashkive kanë kundërshtuar shkrirjen e njësive të tyre me votë, ndërsa banorë të zonave të prekura kanë zhvilluar protesta kundër hartës së re territoriale.

Mazhoranca, pavarësisht kundërshtimeve, ka vendosur të vijojë me reformën, duke e miratuar atë me votat e shumicës parlamentare.

Miratimi është shoqëruar edhe me kundërshtime të forta politike. Opozita ka kritikuar mungesën e konsensusit dhe ka ngritur shqetësime për pasojat që shkrirja e bashkive mund të ketë për përfaqësimin, administrimin dhe ofrimin e shërbimeve për banorët.

Ndërkohë, debati për mënyrën se si u siguruan votat e mazhorancës ka qenë një tjetër pikë e fortë e përplasjes politike, me akuza për presion ndaj deputetëve që kundërshtonin reformën.

Me votimin e sotëm, harta e pushtetit vendor ndryshon zyrtarisht. 15 bashki që ekzistonin deri më tani nuk do të funksionojnë më si njësi të pavarura administrative.

Reforma e re Territoriale shënon kështu një tjetër ndërhyrje të rëndësishme në organizimin e pushtetit vendor, po në mënyrë të njëanshme si ajo e vitit 2015.

Por për banorët e zonave që preken nga shkrirja, debati nuk përfundon me votimin në Kuvend. Kundërshtarët e reformës kanë paralajmëruar se përqendrimi i shërbimeve dhe administratës në qendrat e bashkive më të mëdha mund të thellojë problemet e aksesit në shërbime publike dhe të nxisë më tej largimin e popullsisë nga këto zona.

Po ndodh...

00:00 FJALEKRYQI

Skemë e lirë 9 tetor

22:15 POLITIKË

“Këto që the shoqëroji me qëndrimin me votë”, Berisha-Spiropalit: Përndryshe do të ishte fjalimi më hipokrit në historinë e Parlamentit

21:51 POLITIKË

“Jashtë protestojnë, këtu bëhet teatër”/ Spiropali: Kjo nuk është reformë! S’jemi kartona!

21:17 POLITIKË

Edi Rama iu jep leje për kompleks vilash në Himarë Celibashit të KQZ-së dhe Fatmir Mediut

21:09 AKTUALITET

Zjarr i madh në Kotë të Selenicës

20:40 POLITIKË

Parlamenti i rrethuar nga qytetarët e revoltuar! Protestuesit nuk i ndalon as shiu: Ju erdhi fundi! Qeveri e krimit!

20:19 POLITIKË

Reforma Territoriale në rendin e ditës/ Aktivistët dhe qytetarët rrethojnë Kuvendin: Anuloni votimin!

20:10 POLITIKË

“Dorëheqje”/ Protestuesit me thirrje të forta përpara Kuvendit

19:41 POLITIKË

Nis protesta e 131-të kundër qeverisë

19:15 POLITIKË

Kuvendi vijon seancën maratonë, policia vendos kordon sigurie përpara protestuesve

19:03 POLITIKË

“PS në syrin e ciklopit”/ Analisti: Nëse Territorialja dështon, Rama mund të çojë vendin në zgjedhje të parakohshme

18:52 BOTA

Rëndohen pozitat e Maduros! SHBA-të akuzojnë ish-presidentin e Venezuelës edhe për torturë

18:42 BOTA

Incidenti në bazën amerikane në Britani, arrestohen dy letonezë

18:15 POLITIKË

Territorialja/ Andoni: PS po nxitohet, asnjë konsultim me ekspertë apo akademikë. Demokracia në vend, e dobët

Dua të lexoj më shumë lajme