English
Luaj me Fjalëkryq
Lajme flash

Merkato e dështuar te Juventusi, Spaleti projekton lëvizjet e janarit

12 Nëntor 2025, 18:16 / SPORT ALFA PRESS

Merkato e dështuar te Juventusi, Spaleti projekton lëvizjet e janarit

Në Torino fryn erë pakënaqësie. Ju ventusi, i udhëhequr nga Luçiano Spaleti, po përballet me të njëjtat probleme që shoqëruan shkurtimisht periudhën e Igor Tudor. Pritshmëritë ishin të larta, por pas pak muajsh është bërë e qartë se merkatoja e verës nuk ka dhënë frutet e pritura. Pas një vere të ngarkuar me ndryshime, bardhezinjtë kishin ndërtuar një projekt të ri që duhej të përfaqësonte rilindjen e klubit pas viteve të vështira.

Megjithatë, përforcimet e reja nuk kanë bindur as trajnerin dhe as tifozët. Spaleti, i cili kërkon lojtarë të aftë të zbatojnë me përpikëri sistemin e tij të qarkullimit të topit, është përballur me mungesë personaliteti dhe shpirt gare në disa elementë të rinj. Emra si Dejvid, Openda e Zhoao Mario nuk kanë arritur të japin ndikimin e pritur, ndërsa mesfusha, pavarësisht ndryshimeve, vazhdon të vuajë për mungesë kreativiteti.

Lokateli shpesh lihet i vetëm në ndërtimin e lojës, ndërsa ndihma nga krahët ka qenë minimale. Në disa ndeshje, Spaleti ka provuar rotacione të guximshme, por rezultatet kanë qenë të paqëndrueshme. Brenda klubit po qarkullon ndjesia se merkatoja e verës ka qenë një gabim strategjik. Drejtuesit kishin synuar një skuadër të re, më të re në moshë dhe me energji, por realiteti ka treguar mungesë përvoje dhe lidershipi.

Spaleti, që pritet të ndërtojë një projekt afatgjatë, ka kërkuar qartësisht ndërhyrje në janar për të përmirësuar ekuilibrat e skuadrës. Në listën e dëshirave të tij ndodhen një mesfushor organizator dhe një anësor ofensiv që mund të japë ritëm dhe thellësi. Ndërkohë, drejtuesit po analizojnë rast pas rasti paraqitjet e blerjeve të reja dhe nuk përjashtohet që disa prej tyre të dalin në merkato që në dimër.

Në Torino kujtojnë me shqetësim rastin e Tudor, i cili po ashtu nuk arriti të marrë maksimumin nga grupi dhe u shkëput pas disa muajsh për shkak të mosmarrëveshjeve mbi projektin teknik. Spalletti është shumë më i qëndrueshëm dhe ka mbështetjen e klubit, por kërkon sinjale konkrete nga skuadra. Për momentin, presidenti Ferrero dhe drejtori sportiv Xhuntoli i kanë konfirmuar besimin total trajnerit, por janë të vetëdijshëm se durimi i tifozëve është në kufi. Rezultatet e ardhshme do të jenë vendimtare për të kuptuar nëse ky projekt mund të ringrihet apo nëse do të kërkohet një tjetër rikthim i madh në merkato. Juventusi gjendet në një udhëkryq. Spaleti ka vizionin dhe disiplinën për të rindërtuar identitetin e ekipit, por për ta bërë këtë i duhet mbështetje reale, jo vetëm në fjalë. Tani është momenti i së vërtetës: ose rikthehet fryma e vjetër bardhezi, ose kriza do të thellohet edhe më shumë.

 

Po ndodh...

Dua të lexoj më shumë lajme

ide

top

receta Alfa

TRENDING

shërbime

  • POLICIA129
  • POLICIA RRUGORE126
  • URGJENCA112
  • ZJARRFIKESJA128