Momenti për ta blerë përfundimisht, Milan i bën ofertë Realit

16 Mars 2023, 15:54 / SPORT ALFA PRESS

Momenti për ta blerë përfundimisht, Milan i bën ofertë

Milani dëshiron ta mbajë në skuadër Brahim Diaz, i cili është i huazuar nga Real Madrid.

Kuqezinjtë kanë mundësinë ta blejnë për shumën e 22 milionë eurove, por synojnë ta transferojnë mesfushorin me tipare sulmuese për një shifër më të vogël.

Gazzetta dello Sport shkruan se drejtuesit e kampionëve të Italisë kanë gati ofertën e parë për klubin spanjoll. Ata janë gati të vendosin mbi tavolinë shumën e 16 milionë eurove, plus bonuse.

Reali duhet të mendohet e të marrë një vendim mbi të ardhmen e Brahim Diaz, i cili vështirë të gjejë hapësira në skuadrën e Carlo Ancelottit.

23-vjeçari po luan sezonin e tretë me kampionët e Italisë. Ai realizoi golin vendimtar ndaj Tottenhamit, që i mundësoi kuqezinjve kualifikimin në çerekfinalet e Champions League. Brahim Diaz numëron pesë gola dhe dy asiste në të gjithë kompeticionet gjatë këtij sezoni me skuadrën e Stefano Piolit./ SuperSport

 

Po ndodh...

ide

receta Alfa

shërbime

  • POLICIA129
  • POLICIA RRUGORE126
  • URGJENCA112
  • ZJARRFIKESJA128