Sulmuesi i Kombëtares/ Sokol Cikalleshi firmos edhe për një vit te klubi turk, Koniaspor

17 Prill 2024, 15:37 / SPORT ALFA PRESS

Sulmuesi i Kombëtares/ Sokol Cikalleshi firmos edhe për një vit

Sulmuesi i Kombëtares shqiptare, Sokol Cikalleshi, do të jetë edhe një sezon pjesë e klubit turk, Koniaspor. “Panorama Sport” zbulon se kavajasi ka arritur marrëveshjen për të qenë pjesë e Koniasporit deri në muajin qershor të vitit 2025.

Në orët në vijim vetë klubi turk pritet të konfirmojë rinovimin e kontratës me sulmuesin shqiptar, i cili është një nga të preferuarit e trajnerit Silvinjo në Kombëtare.

Ai pritet të jetë pjesë e padiskuteshme e kuqezinjve në Europianin e Gjermanisë. Cikalleshi ka shënuar këtë sezon 11 gola me Koniasporin, duke qenë golashënuesi më i mirë i ekipit.