Trafikuan dy ton kanabis dhe 475 kg kokainë, SPAK dërgon për gjykim Rexhep Rrajën dhe 16 të tjerë

SPAK ka përfunduar hetimet dhe ka dërguar për gjykim 17 të pandehur të akuzuar për trafik ndërkombëtar të lëndëve narkotike dhe pjesëmarrje në grup të strukturuar kriminal.

Mes tyre janë Rexhep Rraja, djali i ish-deputetit socialist Rrahman Rraja, si dhe Emiljan Burba dhe Ervis Shuli, të cilët, sipas Prokurorisë së Posaçme, kishin rolin e drejtuesve dhe financuesve të aktivitetit kriminal.

Sipas hetimeve të zhvilluara nga prokurori, Adnan Xholi, të pandehurit dyshohet se kanë trafikuar lëndë narkotike nga Shqipëria dhe Ekuadori drejt disa vendeve europiane dhe Turqisë.

Në kuadër të tre episodeve të identifikuara nga autoritetet, janë sekuestruar gjithsej rreth 2.43 tonë marijuanë dhe kokainë.

Për gjykim janë dërguar Emiljan Burba, Rexhep Rraja (djali i ish deputetit të PS Rrahman Rraja), Ervis Shuli, Bujar Sefa (alias Xaka, alias Lala), Marvin Bushati, Jani Çavo, Përparim Rraja, Gazmir Rraja, Sokol Qaja, Aldo Gjini (alias Iamandi), Bledar Cafi (alias Blerti), Endrit Dokle (alias Indrit), Zamir Aliaj (alias Çoku), Islam Sefa (alias Xaka), Hajdar Sefa (alias Xaka, alias Lala), Vidjan Baroka dhe Agim Nina (alias Lorenc Selmani).

Akuzat:

Emiljan Burba, Rexhep Rraja dhe Ervis Shuli akuzohen se kanë drejtuar dhe financuar aktivitetin kriminal, si dhe për trafik droge në bashkëpunim në kuadër të një grupi të strukturuar kriminal.

Bujar Sefa akuzohet për trafikim droge në më shumë se një rast dhe pjesëmarrje në grupin kriminal, ndërsa Marvin Bushati akuzohet për trafik droge, pjesëmarrje në grupin kriminal dhe mbajtje pa leje të armëve dhe municionit të gjetur në banesën e tij.

Jani Çavo, Përparim Rraja, Gazmir Rraja, Sokol Qaja, Aldo Gjini, Bledar Cafi, Endrit Dokle dhe Zamir Aliaj akuzohen për trafikim droge në bashkëpunim dhe pjesëmarrje në grup të strukturuar kriminal.

Të njëjtat akuza për trafikim droge në kuadër të grupit të strukturuar kriminal rëndojnë edhe ndaj Islam Sefës, Hajdar Sefës dhe Vidjan Barokës, ndërsa Agim Nina akuzohet për trafikim të lëndëve narkotike në bashkëpunim.

Tre episode të trafikut ndërkombëtar

Sipas njoftimit të SPAK, aktiviteti i dyshuar kriminal përfshin tre episode kryesore:

3 nëntor 2020 – Mali i Zi: U sekuestruan 1 722 kilogramë marijuanë, e dërguar nga Shqipëria me destinacion përfundimtar Gjermaninë.

23 nëntor 2020 – Holandë: Autoritetet holandeze sekuestruan 475 kilogramë kokainë, të dërguar nga Ekuadori në portin e Vlissingenit.

26 janar 2021 – Turqi: U sekuestruan rreth 236 kilogramë marijuanë, e dërguar nga Shqipëria me destinacion Turqinë.

Në total, bëhet fjalë për rreth 1 958 kilogramë marijuanë dhe 475 kilogramë kokainë.

Komunikimet në SkyECC

SPAK bën me dije se hetimet kanë zbuluar komunikime mes të pandehurve dhe bashkëpunëtorëve të tyre përmes platformës së enkriptuar SkyECC.

Këto komunikime janë administruar nga autoritetet franceze të drejtësisë në kuadër të bashkëpunimit dhe ndihmës së ndërsjellë juridike.

Sipas Prokurorisë së Posaçme, të dyshuarit kanë bashkëpunuar me njëri-tjetrin, me persona të dënuar nga autoritetet e huaja dhe me persona ende të paidentifikuar, për realizimin e trafikut të lëndëve narkotike.

Po ndodh...

15:43 AKTUALITET

Tubimi para Ministrisë së Arsimit, protestuesit u vënë flakën koshave të mbeturinave në mes të rrugës

15:34 FJALEKRYQI

Skemë kampionësh 27 tetor

15:18 AKTUALITET

Studentja e Mjekësisë: Dua të kontribuoj në Shqipëri, por kushtet po na shtyjnë drejt emigrimit

15:07 POLITIKË

Mbledhje online si në kohë lufte: Nga Luarasi te Bido, deputetët e PS votojnë nga shtëpia dhe makina!

15:01 SHOWBIZ

Lotina publikon foton e parë të Mozzik me të birin, momenti i ëmbël në vëmendjen e të gjithëve

14:48 AKTUALITET

“Diplomat tuaja janë bileta për arratisje”, mesazhi i studentëve në protestën para Ministrisë së Arsimit

14:33 POLITIKË

Përplasja e GJKKO me Dhomën e Avokatisë, Meta nga qelia: Kuvendi dhe KLGJ po heshtin, këtu ka regji politike

14:04 AKTUALITET

Revolta e të rinjve/ Studentët e Mjekësisë nisin marshimin drejt Ministrisë së Arsimit

13:58 AKTUALITET

U arrestuan gjatë protestës, gjykata liron 12 protestues

13:50 EKONOMI&SOCIALE

Qeveria rrit tatimin për pagat mbi 670 mijë lekë në muaj, fashë e re me normë 32% nga 2027

13:37 POLITIKË

"Rama dhe Berisha në burg"/ Huffington Post: Protestat në Shqipëri po përhapen kundër klasës politike

13:10 POLITIKË

Protestat në Shqipëri mbërrijnë në Vjenë, diaspora takon Kancelarin austriak dhe kërkon reagim institucional

13:01 BOTA

Përçarje në Izrael në ditën e zgjedhjeve, Netanyahu përplaset me shefin e ushtrisë për sulmin ndaj Iranit

12:30 AKTUALITET

Agjencia Kombëtare e Mjedisit zbulon skandalin, “Albchrome” depozitoi mbi 300 ton mbetje toksike në ambient të hapur

Dua të lexoj më shumë lajme