Zelensky nis riformatimin e qeverisë, propozon drejtuesin e Naftogaz si kryeministër të ri të Ukrainës

Presidenti i Ukrainës, Volodymyr Zelensky, ka nisur një riorganizim të gjerë të qeverisë, duke propozuar zyrtarisht drejtuesin ekzekutiv të kompanisë shtetërore të energjisë Naftogaz, Serhiy Koretsky, për postin e kryeministrit të vendit.

Dokumentacioni për kandidaturën e tij i është dorëzuar parlamentit ukrainas, Verkhovna Rada, ndërsa kryetari i këtij institucioni, Ruslan Stefanchuk, ka bërë me dije se propozimi do të shqyrtohet sipas procedurave parlamentare.

Sipas mediave ukrainase, votimi për kryeministrin e ri dhe përbërjen e kabinetit të ardhshëm pritet të zhvillohet të enjten.

Në Kiev, gjatë një takimi me presidenten e Komisionit Evropian, Ursula von der Leyen, Zelensky ka bërë të ditur se pas konsultimeve të zhvilluara, Koretsky shihet si një nga figurat më të përshtatshme për drejtimin e qeverisë.

Prioritetet e kabinetit të ri pritet të jenë përgatitja e vendit për dimrin, sigurimi i furnizimit me energji dhe përpjekjet për avancimin e procesit të armëpushimit.

Ndryshime në disa ministri kyçe
Riorganizimi i qeverisë pritet të prekë edhe disa poste të rëndësishme. Ambasadori i Ukrainës në Bashkimin Evropian, Vsevolod Chentsov, raportohet se mund të marrë postin e zëvendëskryeministrit për integrimin evropian dhe euroatlantik.

Ndryshime priten edhe në Ministrinë e Mbrojtjes, ku sipas mediave ukrainase ministri aktual Mikhail Fedorov mund të zëvendësohet nga ministri i Brendshëm, Ihor Klimenko.

Fedorov u largua nga qeveria pas vetëm gjashtë muajsh në detyrë, në kuadër të reformimit të nisur nga Zelensky. Sipas raportimeve, vendimi lidhet me debate të brendshme për drejtimin e operacioneve ushtarake dhe procesin e reformimit të sistemit të rekrutimit.

Dorëheqja e Sviridenkos solli ndryshimet
Riorganizimi erdhi pas dorëheqjes së kryeministres Yulia Sviridenko, e cila u miratua nga parlamenti ukrainas me 258 vota pro. Ky vendim solli automatikisht largimin e të gjithë kabinetit qeveritar.

Në fjalimin e saj të fundit në parlament, Sviridenko përmendi si një nga arritjet kryesore sigurimin e një pakete financimi prej 90 miliardë eurosh nga Bashkimi Evropian, e cila sipas saj garanton stabilitet financiar për Ukrainën gjatë kësaj periudhe.

Ajo kishte qenë gjithashtu pjesë e negociatave me Shtetet e Bashkuara për zhvillimin e burimeve minerale të Ukrainës.

Sipas raportimeve, Zelensky kishte shqyrtuar mundësinë e emërimit të Sviridenkos si ambasadore në Uashington, por ajo nuk e ka pranuar këtë rol.

Po ndodh...

10:12 RECETA ALFA

Pastiçe me beshamel, djathë dhe kremviçe

10:09 AKTUALITET

Sot seancë, autobotë me ujë dhe forca të shumta policie rrethojnë Kuvendin

09:47 POLITIKË

U zgjodh nënkryetar i PD nga strukturat, reagon Këlliçi: Tani është koha për më shumë punë, bashkim dhe vendosmëri

09:35 AKTUALITET

Nuk u arkëtuan 69 milionë lekë të pensioneve, arrestohen drejtoresha, shefja e financës dhe arkëtarja e Postës në Durrës

09:15 BOTA

SHBA godet në Ngushticën e Hormuzit/ Irani kundërpërgjigjet me sulme ndaj Bahreinit, Kuvajtit dhe Jordanisë

09:00 POLITIKË

“The Independent”: Dua Lipa shpreh mbështetje për “Revolucionin e Flamingove”, mijëra njerëz protestojnë në Tiranë

08:46 AKTUALITET

Aksident i rëndë në autostradën Lushnje-Fier, një i plagosur

08:37 POLITIKË

Mblidhet sot Kuvendi/ PD vijon me bojkotin, disa projektligje në rend dite

08:28 EKONOMI&SOCIALE

Çfarë po ndodh me monedhat e huaja? "Hidhini një sy" këmbimit valutor për sot

08:16 AKTUALITET

Ditë me diell dhe e nxehtë, sa do të shënojë termometri këtë të enjte

08:02 JETË

Horoskopi Ditor E Enjte 16 Korrik 2026

00:01 FJALEKRYQI

Skemë e lirë 16 korrik

23:55 SPORT

Turpërohet Vllaznia, Malisheva e Brdariç e shkatërron me pesë gola dhe e eliminon nga Europa

23:52 AKTUALITET

Ndërron jetë një i paraburgosur në Vlorë

Dua të lexoj më shumë lajme