Lajme flash
Nga vjedhja e deri te thyerja e masës së sigurisë, 4 të arrestuar dhe dy të proceduar në Korçë
4 Janar 2024, 15:09 / AKTUALITET
Policia e Korçës ka bërë të ditur se ka vënë në pranga 4 persona ndërsa ka proceduar penalisht dy të tjerë për vepra të ndryshme. Një nga të arrestuarit është 26-vjeçari me incialet V. I. i cili kishte kryer një vjedhje në një lokal në lagjen nr. 1 ku kishte marrë në banak një shumë prej 50 000 lekë.
Në pranga ështe vènë edhe një 35-vjeçar pasi po drejtonte mjetin në gjendje të dehur. Ndërsa në pranga është vënë edhe një 39-vjeçar pasi ka thyer masën e arrestit shtëpiak. Dy të proceduarit janë dy të rinjt të moshës 25 dhe 19 vjeç të cilët për motive të dobëta janë konfliktuar me njëri-tjetrin.
Njoftimi i plotë:
DVP Korçë/Vihen në pranga 4 shtetas dhe procedohen në gjendje të lirë 2 të tjerë, për vepra të ndryshme penale. Specialistët për Hetimin e Krimeve të Komisariatit të Policisë Korçë ndaluan shtetasin në kërkim V. I., 26 vjeç, banues në Korçë, pasi më datë 24.12.2023, në lagjen nr. 1, Korçë, ka vjedhur 50 000 lekë, në banakun e një lokali. Specialistët e Trafikut Urban dhe Interurban të DVP Korçë arrestuan në flagrancë shtetasin H. Y., 35 vjeç, banues në Kapshticë, Devoll, pasi u kap në afërsi të Pikës së Kalimit Kufitar Kapshticë, duke drejtuar automjetin, në gjendje të dehur. Specialistët për Hetimin e Krimeve të Komisariatit të Policisë Korçë ekzekutuan urdhrin e Prokurorisë për ndalimin e shtetasit në kërkim B. B., 52 vjeç, banues në fshatin Ravonik, Korçë, pasi Gjykata e Shkallës së Parë e Juridiksionit të Përgjithshëm Korçë e ka dënuar me 5 muaj burgim, për veprën penale “Veprime në kundërshtim me vendimin e gjykatës”.
Po këta specialistë arrestuan në flagrancë shtetasin J. L., 39 vjeç, banues në Korçë, pasi ka dalë jashtë banesës së tij, në kundërshtim me vendimin e Gjykatës së Shkallës së Parë Korçë, e cila i kishte caktuar masën e sigurisë “Arrest në shtëpi”, për veprën penale “Drejtimi i automjetit në mënyrë të parregullt”. Gjithashtu u referuan materialet në Prokurori ku filloi procedimi në gjendje të lirë për shtetasit F. H., 25 vjeç, banues në fshatin Floq dhe A. A., 19 vjeç, banues në fshatin Mollaj, Korçë, pasi në bulevardin “Republika”, Korçë, janë konfliktuar fizikisht me njëri-tjetrin, për motive të dobëta. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.
Po ndodh...
"Madhështia" e një konsulence amerikane.
Nga Roland Lami
ide
top
receta Alfa
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128