Lajme flash
Vëllai i biznesmenit të vrarë në Tiranë! U arrestua sot në Dubai, kush është “koka” e grupit kriminal që trafikonte drogë dhe ku bënin pjesë edhe 4 shefa komisariatesh
25 Maj 2026, 18:27 / AKTUALITET
Detaje të reja janë zbardhur nga arrestimi i 5 personave të shpallur në kërkim ndërkombëtar në Dubai, me qëllim ekstradimin drejt Shqipërisë, pasi akuzohen për trafik droge dhe mashtrim kompjuterik.
Mësohet se mes tyre është edhe Kristo Qirici, vëllai i biznesmenit Edmond Papa, i vrarë në zonën e Komunës së Parisit më 16 dhjetor 2022.
Qirici u shpall në kërkim nga SPAK në mars të vitit 2025, pas goditjes së grupit kriminal që dyshohet se drejtohej prej tij. Sipas Prokurorisë së Posaçme, grupi i 44-vjeçarit trafikonte sasi të mëdha droge drejt Greqisë. Po ashtu, si pjesë e këtij grupi rezultojnë të përfshirë në trafikun e drogës edhe 4 shefa komisariatesh policie.
“Gjatë viteve 2019-2021 evidentohet fakti se në Sarandë ka vepruar një grup i strukturuar kriminal, i cili merrej me kultivimin dhe trafikimin e bimëve dhe lëndëve narkotike, ndërsa krijuesi, drejtuesi dhe organizuesi i tij dyshohen se janë shtetasit nën hetim K.Q. (alias J.H., alias J.Q.) dhe E.A. (alias K.A.).
Nga hetimi del në pah fakti se gjatë viteve 2019-2021 pjesëtarë të këtij grupi të strukturuar kriminal kanë pasur detyra të caktuara me qëllim kultivimin e bimëve narkotike cannabis sativa në zonën e Sarandës dhe rrethinat e saj, duke e mbjellë në zona të caktuara dhe duke e kultivuar në ambiente të mbyllura”, njoftonte në atë kohë SPAK.
Gjithashtu, ndaj pasurive të Qiriçit, GJKKO ka vendosur masë sekuestroje, pasi dyshohet se burojnë nga veprimtari të jashtëligjshme.
Edmond Papa, vëllai i Qericit, u vra më 16 dhjetor 2022 në zonën e Selitës në Tiranë, teksa po pinte kafe në një lokal. Autorët e qëlluan me rreth 9 plumba dhe u larguan menjëherë nga vendi i ngjarjes. Ai ndërroi jetë rrugës për në spital.
Papa përshkruhej si biznesmen nga Saranda, pronar hoteli, por gjithashtu i njohur për autoritetet për precedentë penalë jashtë Shqipërisë.
Sipas hetimeve të Prokurorisë, motivi kryesor dyshohet të ketë qenë hakmarrja. Hetuesit e lidhën ngjarjen me vrasjen me eksploziv të Aleksandër Sadikaj në qershor 2022. Dyshohej se mes Sadikajt dhe Papës kishte pasur konflikt për çështje të trafikut të drogës dhe se njerëzit e afërt të Sadikajt organizuan atentatin ndaj Papës.
Për vrasjen u akuzuan Andreë Bode si ekzekutor dhe Alban Velo si bashkëpunëtor. Sipas dosjes hetimore, ata e kishin vëzhguar Papën për disa ditë në Sarandë dhe Tiranë para atentatit.
Po ndodh...
Si i "mashtroi" Lulzim Basha demokratët për Sali Berishën!
Nga Ermal Peçi
ide
top
receta Alfa
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128