Argjentina kërcënon Britaninë me padi ndërkombëtare për naftën në Ishujt Falkland

Presidenti i Argjentinës Javier Milei ka kërcënuar se do të ndërmarrë hapa ligjorë kundër Mbretërisë së Bashkuar nëse Londra nuk ndalon kërkimet dhe projektin e nxjerrjes së naftës në brigjet e Ishujve Falkland, të cilët në Argjentinë njihen si Malvinat.

Në një reagim në rrjetet sociale, Milei i ka vendosur një afat prej dy javësh projektit të fushës së naftës Sea Lion, një sipërmarrje e përbashkët mes kompanive britanike dhe izraelite, duke kërkuar që ai të anulohet.

Presidenti argjentinas deklaroi se, nëse kërkesa nuk përmbushet brenda këtij afati, ka udhëzuar Ministrinë e Jashtme dhe ekipet ligjore të vendit të nisin procedurat për arbitrazh ndërkombëtar kundër Britanisë së Madhe. Milei e ka cilësuar projektin Sea Lion si shfrytëzim të paligjshëm të burimeve të Argjentinës dhe paralajmëroi se çështja mund të dërgohet edhe në Tribunal Ndërkombëtar.

Kërcënimi i ri vjen në një kohë kur tensionet mes Buenos Airesit dhe Londrës për sovranitetin mbi ishujt janë rritur. Milei kishte kritikuar ashpër edhe Organizatën e Kombeve të Bashkuara gjatë fjalimit të tij në Asamblenë e Përgjithshme, duke e akuzuar se nuk ka ndërmarrë veprime për çështjen e Falklandeve.

Nga ana tjetër, kompanitë e përfshira në projekt argumentojnë se operacionet e tyre mbështeten në licenca të vlefshme të lëshuara nga autoritetet britanike të Ishujve Falkland. Fusha e naftës Sea Lion ndodhet rreth 209 kilometra larg ishujve dhe vlerësohet të përmbajë rreth 1.7 miliardë fuçi naftë. Kompanitë britanike Rockhopper Exploration dhe izraelite Navitas Petroleum pritet të nisin nxjerrjen e naftës nga fusha brenda dy viteve.

Çështja lidhet drejtpërdrejt me konfliktin e gjatë për sovranitetin e Falklandeve. Në vitin 1982, forcat argjentinase zbarkuan në ishuj për të rivendosur pretendimin territorial, duke shkaktuar një luftë 74-ditore me Britaninë e Madhe. Një task-forcë britanike dëboi forcat argjentinase nga ishujt, ndërsa konflikti u kushtoi jetën 255 ushtarakëve britanikë, tre banorëve të ishujve dhe 649 ushtarakëve argjentinas.

Në një referendum të zhvilluar në vitin 2013, banorët e Ishujve Falkland votuan me shumicë dërrmuese për të mbetur territor britanik përtej detit. Rreth 99.8% e votuesve mbështetën këtë status, ndërsa vetëm tre persona votuan kundër.

Po ndodh...

12:41 AKTUALITET

Shpërthim i fortë në një pikë karburanti në Sarandë, raportohet për dy të plagosur

12:27 AKTUALITET

Gjendet i pajetë një person në Farkë, dyshimet e para

12:02 BOTA

Akuzohet për përvetësim fondesh shtetërore, ish-ministri i Kulturës hungareze përfundon në pranga

11:57 AKTUALITET

Të shtëna me armë zjarri gjatë një operacioni antidrogë në Qafështamë

11:41 SHOWBIZ

Prindër për herë të parë, Dylan Sprouse dhe Barbara Palvin mirëpresin vajzën e tyre

11:22 POLITIKË

Bëri 1 vit burg për dosjen “Babale”, Gjykata Kushtetuese shqyrton kërkesën e Ervin Salianjit kundër vendimit

11:11 POLITIKË

SPAK refuzon kërkesën për pjesëmarrjen e Veliajt në mbledhjen e Këshillit Bashkiak

11:04 AKTUALITET

Bashkë me vëllanë vranë 36-vjeçarin në Dibër, kush është i riu i arrestuar sot në Itali? Në kërkim prej 8 vitesh nga drejtësia shqiptare

11:03 POLITIKË

Jo vetëm Kushner: Tre resorte të tjera po projektohen në zonën e mbrojtur të Zvërnecit

10:55 EKONOMI&SOCIALE

Largohet Ilir Topi/ Spahiu emëron bashkëshorten e Vangjel Tavos në krye të FSDKSH

10:54 BOTA

Komisioni Evropian propozon kufizimin e të drejtave për anëtarët e ardhshëm të BE-së

10:47 AKTUALITET

Goditi kokën gjatë ndeshjes së futbollit, ndërron jetë 16-vjeçari shqiptar në Greqi

10:41 AKTUALITET

Kapja e 22 ton kokainë/ Mediat e Ekuadorit: Mafia shqiptare tentoi të korruptonte agjentë të inteligjencës

10:27 RECETA ALFA

Qofte me miell misri e presh

Dua të lexoj më shumë lajme