Asgjë nuk e ndal revoltën/ Protesta antiqeveritare dhe Anti-Kastë, sot në ditën e 59

Protesta antiqeveritare hyn sot në ditën e saj të 59-të, ndërsa organizatorët kanë paralajmëruar se tubimet do të vijojnë edhe këtë të martë, duke këmbëngulur se nuk do të tërhiqen deri në plotësimin e kërkesës së tyre për largimin e kryeministrit Edi Rama.

Dita e 58-të e protestës u karakterizua nga një sërë tubimesh dhe marshimesh në pika të ndryshme të Tiranës. Qytetarët nisën protestën që në orët e mëngjesit para Kuvendit, ku kundërshtuan zhvillimin e seancës plenare.

Zona përreth Parlamentit u rrethua nga forca të shumta policie, ndërsa gjatë përpjekjeve të protestuesve për t’iu afruar godinës pati tensione me efektivët. Gjatë protestës disa persona u shoqëruan nga Policia.

Pas incidenteve para Kuvendit, protestuesit marshuan drejt Komisariatit nr. 1, ku kërkuan lirimin e personave të shoqëruar dhe kundërshtuan ndërhyrjen e forcave të rendit gjatë tubimit.

Në orët e pasdites dhe të mbrëmjes, protesta u zhvendos përpara godinës së Kryeministrisë, ku qytetarët mbajtën fjalime dhe shprehën kundërshtimin ndaj qeverisë. Gjatë tubimit u hodhën kritika edhe ndaj platformës “Besa”, të prezantuar së fundmi nga kryeministri Edi Rama, të cilën protestuesit e cilësuan si të pamjaftueshme për t’iu përgjigjur kërkesave të tyre.

Pas përfundimit të fjalimeve, protestuesit zhvilluan marshimin e përnatshëm në rrugët e kryeqytetit, duke përsëritur thirrjet “Rama ik!”, “Dorëheqje!”, "Rama në burg, Berisha në burg", “Shqipëri e re” dhe “Revolucion”. Marshimi u zhvillua pa incidente.

Organizatorët deklaruan se protesta tashmë ka një objektiv të vetëm, largimin e kryeministrit Edi Rama dhe zhvillimin e zgjedhjeve të lira, ndërsa theksuan se mobilizimi do të vazhdojë çdo ditë deri në realizimin e këtij qëllimi.

Edhe sot, në ditën e 59-të të protestës, pritet që qytetarët të mblidhen sërish në Tiranë, duke vijuar aksionin e tyre të përditshëm kundër qeverisë dhe Kastës së korruptuar të Tranzicionit.

Po ndodh...

13:31 BOTA

“Duhet t’i shkruaj emrat, i harroj”, publikohen audiot: Joe Biden kishte probleme me kujtesën që në vitin 2017

13:15 EKONOMI&SOCIALE

Renditja/ Kush udhëheq ekonominë e Ballkanit? Shqipëria kampione në ndërtim, Serbia në teknologji dhe informacioni

13:09 POLITIKË

Apeli i Posaçëm lë në fuqi sekuestron ndaj 25 pasurive të Jamarbër Malltezit dhe Argita Berishës

12:53 POLITIKË

‘Aferë e padëgjuar’, Berisha: Licenca e kazinosë në Air Albania u dha në shkelje të ligjit për prestanomen e Olsi Ramës

12:41 POLITIKË

“Na vunë si në radhë të vajgurit”/ Kopja e projekt-marrëveshjes me SHBA “mollë sherri” në Kuvend, Korreshi: Ne deputetët qenkemi “lëng groshe” sipas shokut Niko

12:29 AKTUALITET

Policët pas hekurave/ Mafia shqiptare krijon një vatër të re të krimit të organizuar në Ekuador

12:24 AKTUALITET

Aksident në portin e Durrësit, drejtuesi i një furgoni përplaset nga kamioni, transportohet në spital

12:06 AKTUALITET

EMRI/ Ndërron jetë një i dënuar në burgun e Fierit, çfarë dyshohet

11:50 BOTA

Përplasje SHBA-Francë në OKB, delegacioni amerikan braktis mbledhjen pas kritikave për votimin mbi të drejtat e njeriut

11:34 POLITIKË

59 ditë revoltë për largimin e Ramës/ DASH: Protestat nisën si demonstrata mjedisore, por shqiptarët mbushën rrugët kundër korrupsionit qeveritar

11:19 SPORT

Santos vendos kufij për Neymarin, ylli brazilian i pakënaqur me trajtimin e klubit

11:07 AKTUALITET

Tragjike nga Kreta! 33 vjeçari nga Dibra ndërron jetë pas dy javësh në koma, jetonte në Angli dhe shkoi për pushime në ishullin grek

10:55 AKTUALITET

Nis gjyqi ndaj Laert Haxhiut në GJKKO, Xhuljano Xhaferraj rrëfen vrasjen e vëllait: Nuk më treguan, isha në burg

10:47 AKTUALITET

Agjentët e BKH-së i thanë gruas ta telefononte me kamer, biznesmeni dërgoi "location"/ Gafa që e çoi drejt prangave, përgatitet ekstradimi i Ilir Shtufit

Dua të lexoj më shumë lajme