Nis gjyqi ndaj Laert Haxhiut në GJKKO, Xhuljano Xhaferraj rrëfen vrasjen e vëllait: Nuk më treguan, isha në burg

Ka nisur këtë të martë në Gjykatën e Posaçme Kundër Korrupsionit dhe Krimit të Organizuar procesi gjyqësor ndaj Laert Haxhiut, i cili akuzohet për një sërë veprash të rënda penale.

Në seancën e parë, Haxhiu ka paraqitur një deklaratë me shkrim përmes së cilës ka bërë të ditur se nuk dëshiron të jetë i pranishëm në proces, por pranon të përfaqësohet nga avokatët e tij mbrojtës, Detar Hysi dhe Dritan Jahaj.

Gjykata bëri me dije se procesi ndodhet në fazën e administrimit të provave dhe marrjes në pyetje të dëshmitarëve të thirrur në kuadër të shqyrtimit gjyqësor. Në seancën e sotme janë paraqitur 12 dëshmitarë, shkruan VoxNews.

Një prej tyre ishte Xhuljano Xhaferraj, i cili u shoqërua në gjykatë nga policia e burgjeve, i prangosur, pasi ndodhet në masën e sigurisë “arrest me burg” për një çështje tjetër, atë të vjedhjes.

Xhaferraj dëshmoi për vrasjen e vëllait të tij, Fridman Xhaferraj, ngjarje e ndodhur në vitin 2022. Ai deklaroi se në momentin kur ndodhi vrasja ndodhej në burg dhe se për ngjarjen kishte mësuar vetëm pas lirimit.

“Kur u vra vëllai në 2022 kam qenë në burg. Kur jam liruar kishte tre ditë i vdekur. E mora vesh nga policia që ishte vrarë vëllai”, mësohet të ketë deklaruar dëshmitari.

Ai ka treguar gjithashtu se rreth 20 ditë para ngjarjes kishte komunikuar me të vëllanë, i cili i kishte thënë se do të largohej drejt Italisë.

Sipas dëshmisë së tij, Fridman Xhaferraj kishte qenë në Elbasan me Lulëzim Spahinë dhe kishte planifikuar të udhëtonte drejt Greqisë me të.

“Vëllai tjetër ishte në Greqi. Fridmani ka qenë me Lulëzim Spahinë në Elbasan, do të nisej në Greqi me Lulëzimin. Kaq më treguan”, ka deklaruar Xhuljano Xhaferraj para gjykatës.

Procesi ndaj Laert Haxhiut vijon me dëgjimin e dëshmitarëve dhe administrimin e provave të paraqitura në dosjen hetimore.

Po ndodh...

10:27 POLITIKË

Rrëmbeu nga zyrat e Kuvendit dokumentin konfidencial, Agron Shehaj përjashtohet me 60 ditë nga seancat parlamentare

09:58 RECETA ALFA

Fokaçe me domate, djathë dhe proshutë

09:57 POLITIKË

SHBA “nxin” Ramën/ DASH jep alarmin për bandat në zgjedhje, korrupsionin, krimin dhe pastrimin e parave

09:50 AKTUALITET

Rritje e menjëhershme e temperaturave, Meteorologia: Na pret një 10 ditësh shumë i nxehtë, në mesjavë termometri shkon 40 gradë Celcius

09:27 BOTA

Mbi 390 dronë godasin Moskën, Rusia përballet me një nga sulmet më të mëdha

09:12 AKTUALITET

BBC: Bandat e Ekuadorit bashkëpunojnë edhe me mafian shqiptare për trafikun e kokainës

08:49 BOTA

Franca përballet me “zjarrin e shekullit”, flakët afrohen vetëm 11 kilometra nga Bordeaux

08:30 BOTA

Situata katastrofike me flakët/ BE vendos avionë dhe zjarrfikës për të luftuar zjarret në Francë dhe Spanjë

08:20 EKONOMI&SOCIALE

Çfarë po ndodh me monedhat e huaja? Ja sa shitet dhe blihet euro dhe dollari për ditën e sotme

08:15 AKTUALITET

Temperatura të larta në të gjithë vendin, si parashikohet moti për këtë të martë

08:02 JETË

Horoskopi Ditor E Martë 28 Korrik 2026

00:02 FJALEKRYQI

Skemë e lirë 28 korrik

23:51 SPORT

Dështimi për Pirlon, ja alternativat e Italisë për pankinën

23:41 BOTA

Zjarret masive në Francë, Macron: Duhet të krijojmë një pyll të ri, të përshtatur me ndryshimet klimatike

Dua të lexoj më shumë lajme