Lajme flash
“Bënte foto nudo dhe takohej me burra disa vite më të mëdhenj”/ Nëna mbyll 17-vjeçaren në dhomë, por “e pëson”
26 Gusht 2024, 17:28 / BOTA
Është shpallur e pafajshme një grua në Greqi, e cila ishte vënë në pranga pas denoncimit të së bijës, se nëna e saj e mbante të mbyllur në një dhomë.
Sipas mediave greke, gruaja nga Selaniku kishte zbuluar se e bija postonte në internet foto të saj nudo dhe komunikonte e dilte në takime me burra të panjohur, me të cilët kishte një diferencë të madhe moshe.
Arrestimi i gruas u bë pas denoncimit të vajzës së saj 17-vjeçare. E mitura ka njoftuar policinë duke thënë se e ëma e ka mbyllur në dhomën e saj dhe se e ka rrahur me fshesë. Pasi doli nga seanca gjyqësore, 17-vjeçarja bëri një ankesë hakmarrëse ndaj nënës së saj, pasi prindërit e saj e qortuan dhe e ndëshkuan kur zbuluan se ajo po dilte me burra të moshuar që takonte në internet.
Në fakt, siç dëshmoi babai i 17-vjeçares, vajza e tij përdorte celularin e tij për të bërë foto nudo dhe më pas për t’i hedhur në internet, pasi ditët e fundit i ishte ndaluar të përdorte të sajin.
“Nuk i ka fshirë dhe i kam gjetur në celular. Shkonte fshehurazi në tualet dhe bënte foto nudo për t’i hedhur në internet”, tha babai.
Ai shpjegoi se morën vesh se vajza e tyre po dilte me burra të panjohur pasi ai e kishte parë në kafene me një burrë të paktën dhjetë vjet më i madh se ajo dhe nëna e saj e kishte takuar në rrugë dhe në makina me burra të ndryshëm.
Në fakt, nëna e saj ka qenë ajo që dy herë është dashur ta ndalojë në rrugë dhe t’u kërkojë burrave që shoqëronin 17-vjeçaren të largoheshin pasi ajo është e mitur.
“Mësova se ajo po shkonte në dy takime në të njëjtën ditë, me burra të ndryshëm të rritur. E ëma e gjeti në një makinë. Ajo kishte frikë se fëmija ynë do të ishte në rrezik. Ajo ka debatuar me të, prandaj e ka denoncuar në të njëjtën ditë. Ajo e ka bërë këtë që nga qershori kur shkolla u mbyll. Nuk kishte turp”, shtoi ai.
Ndërkohë, nëna e vajzës mohoi të kishte goditur vajzën e saj dhe konfirmoi atë që dëshmoi i shoqi.
“Ajo zemërohet shumë me mua kur nuk e lë të bëjë atë që dëshiron. Ajo takohet me burra në internet dhe del me ta gjatë natës. Ne duam të shkojmë te një psikolog”, është shprehur gruaja.
Po ndodh...
Pse Aleanca Madhështore përfundoi në Foltore 2
Nga Namir Lapardhaja
ide
Teatri politik me listat e PS dhe PD
Nga Roland Lami
Shqipëria Madhështore apo Shqipëria e Pazarit Madhështorë!
Nga Ermal Peçi!
top
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128