Lajme flash
Hyjnë në fuqi tarifat amerikane prej 10% për importet
5 Prill 2025, 10:09 / BOTA
Tarifat shtesë prej 10% të vendosura nga administrata Trump për shumicën e produkteve që Shtetet e Bashkuara importojnë nga pjesa tjetër e botës hynë në fuqi në orën 0:01 të mëngjesit të së shtunës me orën e Uashingtonit dhe në 6:01 të mëngjesit me orën tonë.
Një tronditje kjo për tregtinë globale që pritet të intensifikohet në ditët në vijim.
Ky prag minimal universal prej 10%, nga i cili përjashtohen produkte të caktuara, është si shtesë e detyrimeve ekzistuese.
Shtetet e Bashkuara kanë ulur tarifat për dy territore franceze jashtë shtetit.
Në një listë të vendeve dhe territoreve të publikuar të mërkurën, Shtëpia e Bardhë tha se do të vendosë tarifa prej 37% për importet nga territori i Oqeanit Indian La Reunion dhe 50% për ato nga arkipelagu i vogël i Saint-Pierre-et-Miquelon në Atlantikun e Veriut.
La Reunion - pjesë e zonës së përbashkët doganore të Bashkimit Evropian, por e konsideruar si një territor i veçantë për qëllime tatimore - do të përballet me një tarifë prej 10%.
E njëjta përqindje u vendos në Saint-Pierre-et-Miquelon.
Rishikimi në rënie i sjell të dy territoret në përputhje me zotërimet e tjera franceze jashtë shtetit: Guadelupe, Martinique, Guiana Franceze dhe Mayotte.
Ndërkohë tregjet e aksioneve në SHBA kanë përfunduar javën e tyre më të keqe që nga viti 2020, pasi tarifat gjithëpërfshirëse të Donald Trump vazhdojnë të shkaktojnë trazira në tregjet globale.
Të tre indekset kryesore në Wall Street ranë me më shumë se 5%.
Po ndodh...
Tallja e Ramës me integrimin në BE
Nga Namir Lapardhaja
ide
“Kush flet më për Lulzim Bashën?!”
Nga Sidi Hasanaj
Basha surpriza e kësaj fushate!
Nga Alban Daci
Rama përball Starmer/ Dy Kryeministra, dy botë!
Nga Lutfi Dervishi
top
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128