Lajme flash
Izraeli konfirmon shifrat: Mbi 70 mijë palestinezë të vrarë nga tetori 2023 në Gaza
31 Janar 2026, 10:46 / BOTA
Ushtria izraelite ka pranuar për herë të parë se shifrat e publikuara nga autoritetet shëndetësore në Gaza për numrin e viktimave janë “gjerësisht të sakta”, duke shënuar një ndryshim të rëndësishëm qëndrimi pas vitesh kundërshtimesh ndaj këtyre të dhënave.
Sipas një zyrtari të lartë të sigurisë izraelite, rreth 70 mijë palestinezë janë vrarë nga sulmet izraelite që prej tetorit 2023, pa përfshirë personat e zhdukur. Ndërkohë, autoritetet shëndetësore në Gaza raportojnë mbi 71 600 viktima dhe të paktën 10 mijë persona që dyshohet se ndodhen ende nën rrënoja.
Deri më tani, Izraeli kishte publikuar kryesisht shifra për militantët që pretendonte se kishte eliminuar. Ushtria izraelite ka deklaruar se rreth 22 mijë nga të vrarët janë luftëtarë të Hamas, çka nënkupton se pjesa më e madhe e viktimave janë civilë.
Ky pranim ka rihapur debatin ndërkombëtar mbi pasojat humanitare të luftës dhe akuzat për shkelje të së drejtës ndërkombëtare humanitare nga ana e Izraeli.
Ndërkohë, autoritetet izraelite kanë njoftuar se do të rihapin pikën kufitare të Rafahut me Egjiptin për kalimin e këmbësorëve, nën mbikëqyrjen e Bashkimi Europian. Kjo masë do të lejojë për herë të parë kthimin e disa palestinezëve në Rripin e Gazës që prej nisjes së luftës.
Po ndodh...
Rama dhe Berisha “rrëzohen” nga rasti Dodik
Nga Bato Kosova
ide
Vetmia e madhe e Perëndimit dhe demokracisë liberale
Nga The Economist
Paratë e korrupsionit po blejnë kohë politike.
Nga Taulanda Jupi
top
receta Alfa
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128