English
Luaj me Fjalëkryq
Lajme flash

Rekord historik në Turqi, 28 Gradë sot në Stamboll, java nis me ulje temperaturash dhe reshje dëbore

16 Mars 2025, 11:43 / BOTA ALFA PRESS

Rekord historik në Turqi, 28 Gradë sot në Stamboll, java nis me
Temperaturat deri në 20 gradë Celsius mbi normalen e sezonit, do të shënohen deri në mbrëmjen e sotme në Turqi, sipas Shërbimit Kombëtar Meteorologjik (MGN).

Meteorologët parashikojnë që sot, të dielën, temperatura në Stamboll do të arrijë 28°C, duke thyer një rekord shekullor, i cili është regjistruar në vitin 1911, me 27.7°C, shkruan gazeta Hürriyet.

Temperaturat e tilla të larta zakonisht regjistrohen në korrik dhe gusht. Në muajin mars, temperatura mesatare në Stamboll varion nga 5 deri në 12 gradë.

Në bregdetin e Detit të Zi termometrat do të tregojnë 28-31 gradë, në vend të 2-12°C të zakonshme për këtë sezon.

Shërbimi meteorologjik parashikon gjithashtu se në Ankara temperatura do të arrijë në 28 gradë, në Izmir 27-30 dhe në Gaziantep dhe Sanliurfa të paktën 28 ​​gradë.

Pas “valës së të nxehtit” të papritur të marsit, rikthimi në normalitet do të jetë i menjëhershëm, pasi të martën mbrëma merkuri do të bjerë në 2 gradë në Stamboll dhe 0 në Ankara, ku priten edhe reshje bore.

 

Po ndodh...

Dua të lexoj më shumë lajme

ide

top

receta Alfa

TRENDING

shërbime

  • POLICIA129
  • POLICIA RRUGORE126
  • URGJENCA112
  • ZJARRFIKESJA128