Teleferiku përplaset me shtyllën, 1 i vdekur, 7 të plagosur në Turqi

13 Prill 2024, 09:24 / BOTA ALFA PRESS

Teleferiku përplaset me shtyllën, 1 i vdekur, 7 të plagosur
Një aksident në një teleferik në Turqi i ka marrë jetën një personi dhe ka plagosur 7 të tjerë. Ngjarja ndodhi në provincën jugore të Antalias të Turqisë. Mësohet se teleferiku u përplas me një shtyllë të thyer, tha zyra e guvernatorit lokal dhe një stacion televiziv.

Në rrjetin social X, guvernatori bëri të ditur se të plagosurit janë transferuar për mjekim në spitalet e afërta dhe se 24 kabina të teleferikut kanë mbetur të varur në ajër. Njësitë e shpëtimit emergjent evakuuan 40 persona nga shtatë kabina të teleferikut dhe përpjekjet për të evakuuar 134 persona të tjerë të bllokuar në kabina të tjera po vazhdojnë, njoftoi zyra e guvernatorit.

Në vendngjarje janë dërguar helikopterë dhe mjete të tjera për evakuim nga linja e teleferikut.

Sipas informacioneve në faqen e internetit, teleferiku ka 36 kabina me një kapacitet prej gjashtë personash secila. Ngjitja në objektin Tunektepe me pamje panoramike të qytetit të Antalias zgjat mesatarisht nëntë minuta.

 

ide

shërbime

  • POLICIA129
  • POLICIA RRUGORE126
  • URGJENCA112
  • ZJARRFIKESJA128