Lajme flash
Zelensky zbardh telefonatën me Trump, kur pritet të rifillojnë bisedimet për paqe
25 Shkurt 2026, 22:20 / BOTA
Presidenti i Ukrainës, Volodymyr Zelensky ka dhënë një përmbledhje të shkurtër të bisedës telefonike të zhvilluar mbrëmjen e sotme me presidentin amerikan, Donald Trump, në të cilën, sipas tij, morën pjesë edhe të dërguarit amerikanë Steve Witkoff dhe Jared Kushner.
“Ekipet tona po punojnë intensivisht në këtë moment dhe i falënderova për të gjitha përpjekjet dhe angazhimin e tyre në negociatat për t’i dhënë fund luftës”, është shprehur Zelenskyy.
Sipas presidentit ukrainas, gjatë bisedës u diskutuan çështjet që pritet të trajtohen në raundin e ardhshëm të bisedimeve të paqes në Geneva, si dhe në negociatat e ardhshme trepalëshe që parashikohet të zhvillohen në fillim të marsit.
“Shpresojmë që kjo të na mundësojë kalimin në negociata në nivel liderësh”, ka shtuar ai.
“Presidenti Trump e mbështet këtë rend hapash. Vetëm në këtë mënyrë mund të zgjidhim të gjitha çështjet komplekse dhe të ndjeshme dhe t’i japim fund përfundimisht luftës.”
Më herët, Zelenskyy ka deklaruar se është i gatshëm të takohet me presidentin rus, Vladimir Putin, në një territor neutral për të çuar përpara negociatat e paqes.
I pyetur sot për mundësinë e një takimi të tillë, zëdhënësi i Kremlinit, Dmitry Peskov, ka vënë në pikëpyetje “nëse ka ndonjë kuptim mbajtja e një samiti” mes dy liderëve, për sa kohë që Ukraina mban qëndrimin e saj aktual në negociata.
Po ndodh...
ide
top
receta Alfa
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128