Dyshohet për spiunazh në favor të Rusisë/ Arrestohet ushtari i lartë amerikan në Britani, në hetim edhe kazermat e NATO-s

Një ushtar i lartë i Ushtrisë Amerikane është arrestuar në Britaninë e Madhe, nën dyshimin për përfshirje në vepra penale që lidhen me sigurinë kombëtare dhe Rusinë.

Arrestimi i 41-vjeçarit u krye të martën pranë Gloucester, nga Policia Kundër Terrorizmit në Londër. Ai dyshohet për shkelje të neneve 1 dhe 3 të Aktit të Sigurisë Kombëtare të vitit 2023, që lidhen përkatësisht me marrjen ose zbulimin e informacionit të mbrojtur dhe ndihmën ndaj një shërbimi të huaj inteligjence.

Në kuadër të hetimeve, autoritetet kanë nisur kontrolle në dy ambiente në Gloucestershire.

Sipas BBC-së, ushtari ishte i vendosur në kazermat Imjin në Innsworth, Gloucestershire, ku ndodhet selia e Korpusit Aleat të Reagimit të Shpejtë të NATO-s.

Rëndësinë e operacionit e ka theksuar edhe drejtori i FBI-së, Kash Patel, i cili e cilësoi arrestimin si një çështje serioze që lidhet me dyshime për spiunazh.

“Ky arrestim i rëndësishëm përfshin akuza për spiunazh, gjë që është shqetësimi më i madh për Shtetet e Bashkuara dhe aleatët tanë”, deklaroi Patel.

Ai shtoi se FBI-ja nuk do të tolerojë veprime që rrezikojnë sigurinë kombëtare amerikane dhe atë të partnerëve të saj.

Edhe zëvendësndihmëskomisionerja Vicki Evans, nga Policia Kundër Terrorizmit, e cilësoi arrestimin si të rëndësishëm, duke theksuar se hetimet vijojnë dhe se dyshimet janë serioze.

Ushtari ndodhet aktualisht në paraburgim në një komisariat në Londër. Në bazë të Aktit të Sigurisë Kombëtare të vitit 2023, ai mund të mbahet deri në 14 ditë pa u ngritur zyrtarisht akuzë.

Ndërkohë, gjenerali i brigadës Sean Stinchon, komandant i Komandës së Kundërzbulimit të Ushtrisë Amerikane, paralajmëroi për rrezikun që paraqesin kërcënimet e brendshme, veçanërisht kur bëhet fjalë për persona që kanë akses në informacione sensitive.

Po ndodh...

20:57 SONDAZH

Sondazh

19:11 POLITIKË

VIDEO/ “Të ndryshojë sistemi, jo vetëm qeveria”, protestuesja nga Shkodra: Studentët nuk kanë nevojë për PD-në

19:06 BOTA

Votuesit nuk u besojnë më partive të vjetra/ A po ndryshon përgjithmonë harta politike e Perëndimit?

18:52 POLITIKË

164 ditë protestë para Kryeministrisë, qytetarët dhe studentët këmbëngulin: Rama të largohet!

18:25 MISTERE&KURIOZITETE

Sekreti 5 mijëvjeçar i faraonëve/ 18 kafka zbulojnë gjurmë të vrasjeve rituale në Egjiptin e lashtë

18:18 AKTUALITET

Stuhia “Charles” drejt Ballkanit, Shqipëria në alarm për reshje të dendura dhe erëra mbi 80 km/orë  

18:03 POLITIKË

Eurodeputeti gjerman, Michael Gahler: Qeveria teknike do t’u japë shpresë qytetarëve shqiptarë për zgjedhje të lira, do të ulte tensionet e protestave

17:30 POLITIKË

Protestat në Tiranë/ McAllister: Shqiptarët pushtojnë rrugët kundër kullave dhe korrupsionit

17:23 AKTUALITET

Mbi 3 dekada në kushte të vështira, 90 familje kërkojnë ndërhyrje në Kabinat e Plazhit të Vjetër në Vlorë

17:10 AKTUALITET

“Kam humbur nënën nga kanceri, asnjë ndihmë nga shteti”/ U gjobit me 5 mln lekë pasi protestoi kundër qeverisë, mblidhen mbi 120 mijë euro për 17-vjeçarin

16:59 FJALEKRYQI

Skemë kampionësh 10 nëntor

16:50 POLITIKË

Ndërhyri për të prishur telefonat e dëshmitarëve në dosjen "Veliaj", SPAK kërkon dënimin e Klotilda Bushkës: Seanca më 25 Nëntor, ja sa rrezikon ish-deputetja

16:49 SPORT

Ndërprerja për Kombëtaren, futbolli kthehet në mesjavë me Kupën e Shqipërisë

16:37 JETË

Dy “Qemalët” e mëdhenj që themeluan dy shtete, mbi rrënojat e një perandorie

Dua të lexoj më shumë lajme