E kaluara nuk e lë të qetë, pas magjisë kundër Galatasaray-t, vjen dënimi i papritur për Salah

Mohamed Salah shënoi tregolëshin e tij të parë të sezonit në fitoren e thellë 4-0 të Trabzonsporit kundër Galatasaray-t në Superligën Turke.

Galatasaray e kishte nisur sezonin pa humbje, por u dominua totalisht teksa Salah dhuroi një paraqitje individuale mahnitëse, duke shënuar tre gola dhe duke asistuar një tjetër.

Ka qenë një fillim sezoni me luhatje për Trabzonsporin, që vinte në këtë ndeshje me dy fitore, një barazim dhe dy humbje në pesë javët e para të kampionatit. Por ashtu siç bënte te Liverpool-i, “Mbreti Egjiptian” vazhdon të jetë pika e referimit për golat, dhe tregolëshi i tij kundër Galatasaray-t e çon në kuotën e shtatë golave në gjashtë paraqitje në kampionat me klubin e tij të ri.

Me sa duket, Salah po vazhdon në Turqi aty ku e la në Angli, duke gjetur rrugën e rrjetës me atë lloj rregullsie me të cilën tifozët e Liverpool-it u mësuan gjatë nëntë viteve të tij në “Anfield”.

Ndërsa gjërat duket se po shkojnë në mënyrë perfekte në fushën e blertë, Salah ka marrë një lajm jo të mirë jashtë futbollit, që lidhet pikërisht me kohën e tij në Angli. The Sun raporton se Mohamed Salah i është hequr e drejta e drejtimit të automjetit për gjashtë muaj, pasi një “Rolls-Royce” i regjistruar në emër të tij u kap duke tejkaluar shpejtësinë në Wilmslow, Cheshire.

Dokumentet e gjykatës tregojnë se automjeti u regjistrua duke udhëtuar me 36 milje në orë (rreth 58 km/h) në një zonë me kufizim 30 milje në orë (rreth 48 km/h) më 27 mars, me Salah që më pas refuzoi t’i jepte policisë identitetin e personit që drejtonte mjetin. Koha e incidentit është veçanërisht e rëndësishme, pasi ndodhi vetëm tri ditë pasi Liverpool-i njoftoi se Salah do të largohej nga klubi në fund të sezonit 2025/26.

Sipas dokumenteve të gjykatës, reprezentuesi egjiptian nuk iu përgjigj njoftimit të prokurorisë të ngritur nga Policia e Cheshire dhe nuk bëri asnjë deklaratë mbrojtëse. Më pas, Salah u ndoq penalisht në Gjykatën e Warrington dhe u shpall fajtor për mosdhënie të informacionit në lidhje me identifikimin e shoferit.

34-vjeçarit iu hoq patenta për gjashtë muaj dhe u urdhërua të paguajë një gjobë prej 1,044 paundësh. Dënimi lidhet me faktin që Salah nuk identifikoi shoferin dhe jo me vetë shkeljen e shpejtësisë, pasi dokumentet e gjykatës nuk vërtetojnë që ish-sulmuesi i Liverpool-it të ishte pas timonit në atë moment. Për Salah-un, vëmendja tani do të kthehet sërish te çështjet e fushës, pas një fundjave të paharrueshme për klubin e tij të ri. Mohamed Salah do të zbresë sërish në fushë të premten, kur Egjipti do të përballet me Angolën në një ndeshje kualifikuese për Kupën e Kombeve të Afrikës.

Po ndodh...

16:28 FJALEKRYQI

Skemë sportive 21 shtator

15:11 KOSOVA

Dënimet jo më shumë se 15 vjet dhe transferimi i rasteve në Kosovë, çfarë parashikon projektligji i PDK-së për Specialen?

15:04 EKONOMI&SOCIALE

Çmimi i naftës bie në tregjet ndërkombëtare, por në Shqipëri mbetet ndër më të shtrenjtat në Europë

14:56 POLITIKË

Gjyqtarët dhe prokurorët padisin Kuvendin në Kushtetuese, kërkojnë shfuqizimin dhe pezullimin e ligjit të ri për pagat

14:41 POLITIKË

Balla e paditi për shpifje, GJKKO pushon çështjen për Berishën

14:34 AKTUALITET

2.1 ton kokainë kapen në Atlantik/ Një shqiptar mes 4 të arrestuarve, dyshohet se ishte “noteri” i trafikantëve të Europës Lindore

14:27 SPORT

Cole Palmer humbet Anglinë! Dëmtimi prish rikthimin e sulmuesit te “Tre Luanët”

14:25 BOTA

Tajfuni Dujuan sjell përmbytje masive në Japoni, autoritetet urdhërojnë evakuimin e 1.9 milionë personave

14:05 EKONOMI&SOCIALE

Shkeli sanksionet ndaj Rusisë/ OJF-të ndërkombëtare bëjnë thirrje për hetim të Raiffeisenit

14:03 SHOWBIZ

J Balvin dhe Valentina Ferrer i japin fund lidhjes pas gati një dekade

13:45 AKTUALITET

“Çmontohet” Policia e Sarandës/ Pas ekzekutimit në zemër të qytetit, Demo shkrin zinxhirin komandues, Task-Forcë për sagën e vrasjeve

13:41 AKTUALITET

Vrau gruan në gjendje të dehur, Hysni Patushi përfundon në QSUT! Gjykata vendos masën e arrestit

13:32 SPORT

Xhaka rrezikon deri në 5 vite burg për certifikatën e COVID-it/ Pas pranimit, çfarë e pret para drejtësisë zvicerane

13:28 BOTA

Aleati i Putinit fiton me 99.85% të votave, Ramzan Kadyrov rizgjidhet në Çeçeni

Dua të lexoj më shumë lajme