Xhaka rrezikon deri në 5 vite burg për certifikatën e COVID-it/ Pas pranimit, çfarë e pret para drejtësisë zvicerane

Pas pranimit publik se kishte siguruar një certifikatë vaksinimi kundër COVID-19 pa u vaksinuar, Granit Xhaka përballet tashmë me një procedim penal në Zvicër dhe me mundësinë e një dënimi që, në skenarin maksimal të parashikuar nga ligji, mund të arrijë deri në 5 vite burg.

Prokuroria e Lucernës po heton rrethanat e certifikatës së Xhakës, në një çështje që lidhet edhe me një mjeke nga Lucerna, praktika e së cilës ishte kontrolluar nga policia në vitin 2023. Autoritetet po shqyrtojnë nëse janë kryer vepra penale në lidhje me marrjen e një vërtetimi të rremë dhe/ose falsifikimin e dokumenteve.

Xhaka e ka pranuar tashmë se gjatë periudhës së pandemisë kishte siguruar një certifikatë vaksinimi, duke shpjeguar se në atë kohë kishte pasur frikë, pasiguri dhe mosbesim ndaj vaksinës. Futbollisti ka kërkuar falje dhe ka deklaruar se do të bashkëpunojë plotësisht me autoritetet.

Tashmë vëmendja është zhvendosur te pasojat ligjore. Sipas ekspertit zviceran të së drejtës penale André Kuhn, falsifikimi i dokumenteve mund të dënohet me gjobë ose me dënim me burgim deri në pesë vite. Megjithatë, kjo është vetëm masa maksimale e parashikuar nga ligji dhe nuk do të thotë se Xhaka do të dënohet domosdoshmërisht me burg.

Kuhn thekson gjithashtu se në rastin e një personi pa precedentë penalë, mund të merret në konsideratë një dënim financiar me pezullim, i shoqëruar me gjobë. Pra, në këtë fazë, nuk ka një vendim gjykate dhe procedura penale është ende në zhvillim.

Xhaka pritet të paraqitet për t'u marrë në pyetje nga Prokuroria e Lucernës në fillim të tetorit. Hetimi do të përcaktojë nëse veprimet e tij përbëjnë vepër penale dhe cilat janë përgjegjësitë konkrete në lidhje me certifikatën.

Ndërkohë, pas pranimit të tij publik, Xhaka nuk do të jetë pjesë e grumbullimit të ardhshëm të kombëtares zvicerane. Federata zvicerane bëri të ditur se, në marrëveshje me futbollistin, ai nuk do të marrë pjesë në kampin e radhës, ndërsa situata do të rivlerësohet më vonë.

Çështja mbetet ende në fazën e hetimit dhe nuk ka një vendim përfundimtar gjykate ndaj Xhakës.

Po ndodh...

13:00 SPORT

Sfida me Bjellorusinë, Ramadani në konferencë: Nuk do të jetë ndeshje e lehtë, të hyjmë në fushë për të fituar

12:45 AKTUALITET

Bllokohet Superstrada Tiranë-Durrës, ARRSH njofton oraret dhe devijimet e trafikut për shkak të punimeve

12:39 AKTUALITET

A do të qëndrojë në burg Ergys Agasi? Apeli shtyn vendimin për ditën e nesërme

12:37 POLITIKË

Eurodeputetja Isabel Wiseler Lim kërkon heqjen e imunitetit të Belinda Ballukut!

12:33 AKTUALITET

E rëndë në Durrës/ Po priste në stacionin e autobusit, ndërron jetë i moshuari

11:59 SPORT

Thellohet skandali/ Xhaka pranon manipulimin e vaksinës anti-covid, Zvicra e përjashton nga kombëtarja: Më vjen keq, isha i frikësuar

12:00 BOTA

Wall Street Journal: Trump përgatitet të vendosë sanksione ndaj Gjykatës Ndërkombëtare Penale

11:48 KOSOVA

PDK nis procedurat për ndryshimin e Ligjit për Gjykatën Speciale, dorëzon projektligjin në Kuvend

11:38 AKTUALITET

Kapet narko-veliera me mbi 2 ton kokainë në Spanjë, në bordin e anijes një shqiptar

11:34 KOSOVA

Kurti në SHBA për vendimin e Hagës: Lufta e UÇK s‘mund të njolloset!

11:24 POLITIKË

PS këmbënguli për votimin më 8 tetor të “Territoriales”, PD kërkoi shtyrjen! Zbardhen detaje nga debatet brenda Konferencë së Kryetarëve

11:10 POLITIKË

Berisha sulmon egër SPAK: Është seksion i PS dhe hetuesi private e Ramës që mbron krimet monstruoze të tij

11:01 AKTUALITET

Bojkoti i avokatëve për rregulloren e re të GJKKO-së, gjobiten 10 prej tyre pas mungesës në sallë

10:58 SPORT

Mbyllet Java e 5-të e kategorisë Superiore, ja si ndryshoi renditja e skuadrave

Dua të lexoj më shumë lajme