English
Luaj me Fjalëkryq
Lajme flash

Efekti PROTESTË/ Rama shkarkon ministrin e Brendshëm Lamallari, emëron Ervin Demon

11 September 2026, 10:13 / POLITIKË ALFA PRESS
Efekti PROTESTË/ Rama shkarkon ministrin e Brendshëm Lamallari,

Protesta e qytetarëve, për të cilën mazhoranca priste që të shuhej gjatë muajit gusht, duket se po sjell pasoja në qeveri. Mëngjesin e kësaj të premteje, kryeministri Edi Rama ka vendosur të ndryshojë drejtimin e Ministrisë së Brendshme, duke shkarkuar nga detyra Besfort Lamallarin.

Lamallari, i cili e mbajti postin e ministrit të Brendshëm prej disa muajsh, largohet nga drejtimi i një prej dikastereve më të rëndësishme të qeverisë në një moment të ndjeshëm politik, pas protestave të opozitës dhe përplasjeve të forta mes palëve.

Burime për mediat bëjnë me dije se pasuesi i tij në krye të Ministrisë së Brendshme do të jetë Ervin Demo. Deri më tani, Demo ka mbajtur postin e ministrit për Pushtetin Vendor, ndërsa tashmë pritet të marrë drejtimin e dikasterit që mbulon rendin dhe sigurinë publike.

Lëvizja vjen pas një vere të shoqëruar me protesta, të cilat mazhoranca i kishte konsideruar si një valë që do të shuhej gjatë muajit gusht.

Në këtë kontekst, ndryshimi në Ministrinë e Brendshme shihet si një prej lëvizjeve më të rëndësishme të Ramës pas protestave. Megjithëse nuk ka ende një deklaratë zyrtare që ta lidhë drejtpërdrejt shkarkimin e Lamallarit me protestat, koha kur vjen ky ndryshim ka ngritur pikëpyetje mbi arsyet e vendimit të kryeministrit.

Ervin Demo pritet të kalojë kështu nga Ministria për Pushtetin Vendor në Ministrinë e Brendshme, duke marrë përsipër një post me peshë të veçantë politike dhe institucionale.

Po ndodh...

Dua të lexoj më shumë lajme

ide

top

receta Alfa

TRENDING

shërbime

  • POLICIA129
  • POLICIA RRUGORE126
  • URGJENCA112
  • ZJARRFIKESJA128