Lajme flash
Egnatia nuk ndalet/ Përmbys Skënderbeun dhe merr fitoren e tretë radhazi
2026-09-04 23:45:00 / SPORT
Egnatia vijon me ritëm të plotë në kampionat. Kampionët në fuqi mposhtën 2-1 Skënderbeun në Rrogozhinë, duke regjistruar fitoren e tretë radhazi dhe duke ruajtur vendin në krye të renditjes.
Vendasit e nisën mirë takimin dhe kaluan në avantazh në minutën e 14-të. Albanese mori një top në zonë dhe zhbllokoi sfidën për Egnatian.
Skënderbeu reagoi dhe barazoi në minutën e 34-t. Pas ndërhyrjes së VAR-it, korçarët fituan një penallti. Nasr u tregua i saktë nga pika e bardhë, duke vendosur rezultatin 1-1.
Në pjesën e dytë të dyja skuadrat kërkuan golin e fitores. Egnatia pati disa tentativa për të fituar një tjetër penallti, ndërsa Skënderbeu rrezikoi portën e Dajsinanit.
Goli që vendosi ndeshjen erdhi në minutën e 84-t. Albanese shërbeu për Loukili, i cili me kokë dërgoi topin në rrjetë. Goli u kontrollua nga VAR për një pozicion të mundshëm jashtë loje, por u konfirmua.
Në minutat e fundit Skënderbeu nuk arriti të barazojë dhe Egnatia mori tri pikët. Me këtë fitore, skuadra e Nevil Dedes regjistron suksesin e tretë radhazi në kampionat dhe konsolidon pozitat në krye të renditjes.
Kategoria Superiore, Java 3
Egnatia – Skënderbeu 2-1
Albanese 14’, Loukili 84’ – Nasr 34’
Po ndodh...
"Albania Mirror", or Rama's "magic" to sell the truth that is sinking him!
Nga Indrit Gjyzeli
ide
Edi Rama, Harari and the algorithm!
Nga Ermal Peçi
Edi Rama, the time of reckoning has come!
Nga Eva Idrizllari
Have a safe trip to America, Dr. Berisha. But that's all!
Nga Mentor Kikia
top
receta Alfa
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128