Lajme flash
Kaney West nuk kalon në ‘Kushtetuese’, gjykata nuk e pranon kërkesën e ‘Shqipëria Bëhet’
2026-09-21 08:58:00 / POLITIKË
Gjykata Kushtetuese nuk e ka kaluar për shqyrtim në seancë plenare kërkesën e Partisë “Shqipëria Bëhet” për pezullimin dhe shfuqizimin e Aktit Normativ nr. 3, datë 6 korrik 2026, që lidhet me financimin e organizimit të aktivitetit kulturor-turistik me përmasa ndërkombëtare, për koncertin e Kanye West në Tiranë.
Sipas raportimit të gazetares Anila Hoxha, vendimi për moskalimin e çështjes në seancë plenare mban datën 18 shtator 2026.
Partia “Shqipëria Bëhet” kishte paraqitur në Gjykatën Kushtetuese kërkesë për pezullimin e menjëhershëm të zbatimit të Aktit Normativ nr. 3, deri në dhënien e një vendimi përfundimtar nga Gjykata.
Në kërkesën e saj, partia kishte kërkuar edhe shfuqizimin e aktit normativ, me argumentin se ai është në kundërshtim me Kushtetutën e Republikës së Shqipërisë.
Dokumenti kërkonte gjithashtu që, nëse brenda afatit 45-ditor të përcaktuar nga neni 101 i Kushtetutës akti do të miratohej nga Parlamenti, Gjykata Kushtetuese të shqyrtonte edhe shfuqizimin e ligjit të miratuar, në rast se do të vlerësohej antikushtetues.
Çështja ishte regjistruar në Gjykatën Kushtetuese më 13 korrik 2026, ndërsa dokumenti i Gjykatës shënon 18 shtatorin si datën kur kërkesa nuk u kalua për shqyrtim në seancë plenare.
Po ndodh...
The "small flower" and the big problem of Rama and Berisha!
Nga Ermal Peçi
ide
It's not the Cauliflower Trust, it's the Aruba Cartel!
Nga Gjergj Erebara
Tri krizat dhe tri zgjidhjet
Nga Përparim Gjeka
Innocence for the liberators, so that history is not judged!
Nga Azgan Haklaj
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128