Shqip
Luaj me Fjalëkryq
Lajme flash

Konstituohet Kuvendi i Kosovës, deputetja e Listës Srpska Tanja Vujoviç zgjidhet nënkryetare

2026-09-13 11:56:00 / KOSOVA ALFA PRESS

Konstituohet Kuvendi i Kosovës, deputetja e Listës Srpska Tanja

Kryeparlamentarja Albulena Haxhiu e ka shpallur të konstituuar Kuvendin, pa zgjedhjen e nënkryetarit nga Partia Demokratike e Kosovës. Kuvendi i Kosovës në seancën e sotme zgjodhi Kujtim Shalën e LDK-së për nënkryetar, nga komuniteti jo serb Emilja Rexhepin dhe Tanja Vujoviçin nga Lista Serbe.

Sipas kryeparlamentares Albulena Haxhiu, konstituimi i Kuvendit të Kosovës nuk do të jetë peng i askujt. Duke komentuar tërheqjen e propozimit të përkohshëm të PDK-së për nënkryetar të Kuvendit, Haxhiu tha se nuk po e ushtron të drejtën kushtetuese prandaj duhet të vazhdohet tutje me nënkryetarë të tjerë.

“Sot është hera e tretë që PDK-ja nuk merr pjesë në seancën konstituvie për të bërë propozimin sipas kushtetutës. PDK ka qenë e njoftuar për seancën konstituvie nuk është e pranishme dhe rrjedhimisht nuk po e ushtron të drejtën për të drejtën kushtetuese. Bazuar edhe në qëndrimin e gjykatës Kushtetuese kuvendi nuk mund të jetë peng i askujt prandaj edhe vazhdojmë me propozimin nga LDK-ja”, tha ajo.

Më herët Partia Demokratike e Kosovës njoftoi tërheqjen e përkohshme të kandidaturës së Vlora Çitakut për pozitën e nënkryetares së Kuvendit të Kosovës, deri në një vendim të Gjykatës Kushtetuese lidhur me situatën e krijuar rreth konstituimit të Kuvendit.

Në një shkresë drejtuar kryetares së Kuvendit, të nënshkruar nga kryetari i Grupit Parlamentar të PDK-së, Arian Tahiri, thuhet se vendimi është marrë për shkak të shkeljeve të vazhdueshme dhe të përsëritura të detyrimeve kushtetuese për konstituimin e Kuvendit. 

Po ndodh...

Dua të lexoj më shumë lajme

ide

top

receta Alfa

TRENDING

shërbime

  • POLICIA129
  • POLICIA RRUGORE126
  • URGJENCA112
  • ZJARRFIKESJA128