Lajme flash
Pas 3 sezonesh, Nkunku rikthehet te Leipzig/ Marrëveshja me Milanin arrin në 28 milionë euro
2026-08-25 23:49:00 / SPORT
Christopher Nkunku është rikthyer zyrtarisht te RB Leipzig, tre sezone pasi u largua nga klubi gjerman.
Sulmuesi francez, i cili nuk ishte pjesë e planeve të Ruben Amorim, do të vijojë karrierën sërish në Bundesligë, pas marrëveshjes së arritur mes Leipzig dhe Milanit.
Transferimi është realizuar në formën e huazimit, me marrëveshjen që përfshin edhe detyrimin për blerjen përfundimtare të kartonit.
Nëse plotësohen kushtet e përcaktuara në akord, Leipzig do të paguajë 28 milionë euro për të siguruar përfundimisht shërbimet e Nkunku.
Për të bërë të mundur largimin e futbollistit, Milani ka pranuar të mbulojë një pjesë të pagës së tij. Kjo u bë në mënyrë që kostot e kontratës të përshtateshin me parametrat financiarë të klubit gjerman.
Për Nkunku, ky transferim shënon rikthimin në një ambient që e njeh mirë dhe ku u shndërrua në një prej lojtarëve më të rëndësishëm të Leipzig.
Pas zyrtarizimit të marrëveshjes, sulmuesi francez foli për rikthimin e tij dhe pritshmëritë për aventurën e re.
“Kur mësova se kisha mundësinë të kthehesha te Leipzig, nuk ngurrova. Jam shumë i lumtur që u ktheva këtu. Jam në një formë të shkëlqyer dhe dua të ndihmoj skuadrën sa më shpejt të jetë e mundur. Mezi pres të luaj përsëri përballë tifozëve tanë në Red Bull Arena”, u shpreh Nkunku.
Kështu, francezi rikthehet në Leipzig me synimin për të nisur një tjetër kapitull me klubin ku kishte lënë gjurmë para largimit të tij.
Po ndodh...
The power of vanity! The protest broke the "magic" of Rama and Berisha
Nga Indrit Gjyzeli
ide
top
receta Alfa
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128