Protestat “pushtojnë” Francën/ Popullariteti i Macron arrin nivelin më të ulët që nga 2017-a, humbasin terren edhe Bardella dhe Le Pen

Presidenti francez Emmanuel Macron po përballet me një rënie drastike të mbështetjes publike, ku rreth 82% e qytetarëve nuk e miratojnë më punën e tij, duke e çuar popullaritetin e kreut të Elizeut në nivelin më të ulët historik që nga marrja e mandatit në vitin 2017.

Sipas sondazhit më të fundit të zhvilluar nga Ipsos BVA-Cesi për “La Tribune Dimanche”, vetëm 15% e të anketuarve kanë një mendim të favorshëm për Presidentin Macron. Kjo “rënie e lirë” vjen në një kohë kur Franca po përballet me protesta të nxënësve të shkollave të mesme, krizë karburanti dhe debate të ashpra parlamentare për buxhetin. Në krahun tjetër, kryeministri Sébastien Lecornu ka pësuar një rritje të lehtë, duke arritur në 22% mbështetje.

Sipas anketës, fuqia blerëse mbetet shqetësimi kryesor i 54% të qytetarëve francezë, e ndjekur nga e ardhmja e sistemit të mirëqenies me 44% dhe niveli i lartë i borxhit publik që shqetëson 33% të publikut.

Rënia e ekstremit të djathtë pas skandalit Mediapart

Pavarësisht krizës së ekzekutivit, udhëheqësit e ekstremit të djathtë vazhdojnë të kryesojnë renditjen si pasardhës të mundshëm presidencialë, por me një rënie të dukshme mbështetjeje:

Jordan Bardella: 33% opinione pozitive (-3 pikë)

Marine Le Pen: 32% opinione pozitive (-4 pikë)

Goditja ndaj Rassemblement National vjen pas investigimit të publikuar nga media hulumtuese “Mediapart”, e cila zbuloi mesazhe me përmbajtje antisemite dhe konspirative që i atribuohen Bardellës nga një llogari e vjetër në rrjetet sociale – akuza këto që janë mohuar prej tij.

Në vendin e tretë të pëlqyeshmërisë renditet ish-kryeministri Édouard Philippe me 20%, i ndjekur nga Sarah Knafo e partisë nacionaliste Reconquête dhe ish-presidenti socialist François Hollande, secili me nga 18%.

Në krahun e majtë, Jean-Luc Mélenchon merr 17% mbështetje, po në të njëjtin nivel me qendristin Gabriel Attal dhe udhëheqësin e republikanëve Bruno Retailleau. Megjithatë, kreu i “La France Insoumise” regjistron shkallën më të lartë të refuzimit në vend, ku 69% e francezëve deklarojnë se nuk do të dëshironin kurrsesi ta shihnin atë në krye të shtetit.

Po ndodh...

17:23 FJALEKRYQI

Champion scheme October 11

15:32 FJALEKRYQI

English Crossword Puzzle October 11

Nga Monitor 14:11 IDE

The electoral arithmetic of reform

Nga Monitor

14:01 EKONOMI&SOCIALE

Palombo Ranking/ Tirana is classified as the worst city to live in all of Europe

13:37 AKTUALITET

Aksident i frikshëm në Selanik/ Makina me shpejtësi përplas tavolinat me klientë, arrestohet 45-vjeçari shqiptar

13:14 BOTA

Shqetësim për shëndetin e Papa Leone XIV,  do t’i nënshtrohet një operacioni

12:21 AKTUALITET

Vrau 3 persona në Shkodër dhe u arratis në SHBA, policia del me njoftim zyrtar për arrestimin e të shumëkërkuarit Valentin Ftonit

12:06 BOTA

BE dënon sulmin vdekjeprurës në aeroportin e Riadit, Von der Leyen: Spirale dhune e orkestruar nga Irani

11:52 BOTA

Njihuni me Navi Pillay, fituesen e Nobelit për Paqen 2026: Nga lufta kundër aparteidit te drejtësia ndërkombëtare

11:33 AKTUALITET

Lokal i kthyer në pikë lojërash fati, një 47-vjeçar në pranga, shpallet në kërkim pronari

11:16 POLITIKË

Rama dënon sulmet Huthi ndaj Arabisë Saudite: Teherani duhet të mbajë përgjegjësi! Nuk mund të ketë asnjë justifikim

10:33 AKTUALITET

Dalin detaje të reja nga atentati në Gjirokastër, tritoli dyshohet se u aktivizua në distancë me telefon

09:29 AKTUALITET

Sapo ishte kthyer nga Tirana kur i bënë atentat, Beqir Devolli njihej si "Çilo Hundëderri", një vit më parë i dogjën makinën

09:04 AKTUALITET

Atentati me shpërthim në Gjirokastër, policia jep detaje mbi rastin: 45 vjeçari ndërroi jetë gjatë transportimit drejt Tiranës

Dua të lexoj më shumë lajme