Flamingot në 137 ditë u kthyen në shqiponja

Ka një kufi përtej të cilit durimi resht së qeni virtyt. Mos luani me durimin e tyre, sepse durimi i vënë në provën e shpërfilljes kthehet në zemërim, revoltë dhe është pikërisht ajo që ndodhi dje në protestën e drejtuar nga studentët.

Për 138 ditë protesta e studentëve dhe e qytetarëve ka qenë e qartë. Një protestë e qëndrueshme dhe qytetare kundër një kryeministri që sot është koka e një piramide korrupsioni, një maxhorance që refuzon të marrë përgjegjësitë, një parlamenti që nuk përfaqëson dhe një opozite hipokrite dhe skuthe që nuk ofron asnjë zgjidhje, por përpëlitet të thithë gjakun dhe energjinë e protestës për të bërë pazaret e radhës.

Të rinjtë nuk kërkojnë asgjë që nuk u takon. Nuk kërkojnë as favore, as privilegje.
Kërkojnë mundësi. Nuk kërkojnë t'u dhurohet e ardhmja. Kërkojnë të mos u mohohet.

Forca e një qeverie, e një kryeministri, nuk matet me aftësinë për të nënshtruar, dhunuar e akuzuar qytetarët, mbi të gjitha të rinjtë protestues, por me përgjegjësinë për t'u shërbyer, për t'i dëgjuar, për të dhënë llogari, për të reflektuar dhe për të ofruar zgjidhje.
Kur një pushtet u përgjigjet kërkesave të qytetarëve me shpërfillje dhe dhunë, ai nuk tregon forcë, por paaftësinë për të kuptuar se autoriteti nuk buron vetëm nga votat, por edhe nga përgjegjësia, drejtësia dhe respekti për dinjitetin njerëzor.

Asnjë votë, asnjë mandat nuk është leje për të poshtëruar qytetarët dhe asnjë pushtet nuk mund të qëndrojë pafundësisht mbi shpërfilljen e zërit të tyre.

Mos harroni! Durimi, kur vihet vazhdimisht në provë, kthehet në zemërim, e zemërimi në revoltë.
E ardhmja ka ardhur!

Pyetja është nëse kjo klasë politike do të zgjedhë ta dëgjojë, të reflektojë apo do të vazhdojë të sillet sikur asgjë nuk ka ndryshuar.
Flamingot, në 137 ditë, u kthyen në shqiponja. Dhe ky është mesazhi që politika duhet të kuptojë se të rinjtë shqiptarë janë rebeluar në emër të së ardhmes. Ata refuzojnë të ikin nga Shqipëria. Ata kanë zgjedhur të qëndrojnë dhe kjo është ajo që i duhet Shqipërisë.

Po ndodh...

13:29 POLITIKË

Studentët protestë në Rrugën e Durrësit, Aurela Gaçe i drejtohet politikanëve: A mendoni se keni bërë më të mirën për popullin?

13:27 AKTUALITET

Policia nuk tregon mëshirë, hidhet ujë me kimikate në drejtim të studentëve

13:19 AKTUALITET

“Jeni mijëra që shihni live, Shqipëria ka nevojë për ju”/ Thirrja e protestuesit: Fikeni laptopin dhe hajdeni në shesh, ju sillni ndryshimin

13:08 AKTUALITET

“Po protestoja paqësisht!”/ Protesta te Ministria e Arsimit, policia shoqëron disa vajza

13:01 EKONOMI&SOCIALE

Bordi i Transparencës ndryshon sërish çmimin e naftës dhe benzinës, ja me sa lekë do të shitet një litër

12:54 AKTUALITET

Ndërhyn policia! Heq barrikadën me kangjella dhe përdor gaz lotsjellës ndaj studentëve, bëhen shoqërimet e para

12:41 AKTUALITET

Ngjarje horror në Shkozë! I vuri flakën banesës së prindërve të bashkëjetueses dhe ndërruan jetë të dy, arrestohet 35-vjeçari

12:32 AKTUALITET

Tensionet ne protestë, autoboti hedh ujë me presion drejt studentëve

12:31 AKTUALITET

Përshkallëzohet protesta, bashkohet edhe Universiteti i Sporteve. Iu vënë flakën edhe koshave të mbeturinave

12:24 AKTUALITET

Nuk ndalen studentët! Bllokojnë Rrugën e Durrësit me kangjella, shkatërrojnë reklamat anash rrugës

12:05 POLITIKË

Protestuesi djeg LIVE teserën e PS-së: Jam socialist që në kohën e Fatos Nanos, jam i zhgënjyer

11:56 AKTUALITET

Tirana 'pushtohet' nga rinia! Universitetet private i bashkohen protestës, Elbasani dhe Durrësi nisen drejt kryeqytetit, bojkotojnë dhe gjimnazet

11:49 AKTUALITET

Bojkot edhe në Elbasan, studentët lënë mësimin në Fakultetin Ekonomik te ‘Aleksandër Xhuvani’

11:37 AKTUALITET

Protesta merr përmasa të mëdha! Grupet e tifozëve i bashkohen revoltës: Një për të gjithë e të gjithë për një

Dua të lexoj më shumë lajme