English
Luaj me Fjalëkryq
Lajme flash

Moderatorja e njohur e Egjiptit dënohet me vdekje, akuzohet për prodhim dhe shpërndarje droge

6 September 2026, 09:40 / BOTA ALFA PRESS

Një gjykatë në Kajro ka dënuar me vdekje prezantuesen e njohur egjiptiane Sarah Khalifa, 39 vjeç, së bashku me 11 të pandehur të tjerë, pasi akuzohen për prodhim dhe trafikim të drogës.

Mediat egjiptiane e përshkruajnë ngjarjen si një "rast të madh droge", ndërsa vendimi përfundimtar u dha pas procesit të konsultimit me Myftiun e Madh të Egjiptit, ashtu siç kërkohet zakonisht në rastet e dënimit me vdekje në vend.

Referuar aktakuzës, Khalifa dhe të pandehurit e tjerë akuzoheshin për krijimin e një rrjeti për të furnizuar materiale të përdorura në prodhimin e drogërave sintetike me qëllim trafikimin e tyre.

Autoritetet vendase pretendojnë se gjatë kontrolleve të ushtuara në sajë të hetimeve për rastin konkret, u sekuestruan më shumë se 750 kilogramë substanca narkotike dhe lëndë të para, ndërsa u lokalizuan dhe disa hapësira që dyshohet se përdoren si laboratorë, si dhe armë dhe municione pa licencë.

Sarah Khalifa u bë e njohur për publikun egjiptian përmes shfaqjes "Mission Impossible", e cila përqendrohej në çështjet e sigurisë dhe krimit. Përveç karrierës në botën e televizionit, ajo drejtonte edhe një klinikë të kirurgjisë kozmetike dhe një kompani prodhimi eventesh.

Në seancën paraprake të mbajtur në lidhje me çështjen e hapur ndaj saj, ajo i ka mohuar akuzat, duke pretenduar se nuk kishte të bënte fare me drogën duke pretenduar se i ka parë për herë të parë ato kur autoritetet i treguan fotot e tyre. Pavarësisht dënimit të dhënë, raportohet se çështja nuk është mbyllur, pasi të pandehurit kanë të drejtë të apelojnë vendimin.

 

Po ndodh...

Dua të lexoj më shumë lajme

ide

top

receta Alfa

TRENDING

shërbime

  • POLICIA129
  • POLICIA RRUGORE126
  • URGJENCA112
  • ZJARRFIKESJA128