Lajme flash
Nderuan kriminelin e luftës Ratko Mladiç, kërkohet përjashtimi nga Europa i klubit të njohur serb
29 August 2026, 20:14 / SPORT
Klub i Crvena Zvezda rrezikon të përjashtohet nga pjesëmarrja në Ligën e Konferencës, pasi tifozët e saj e më pas vetë klubi, kanë nderuar publikisht kriminelin e luftës, Ratko Mladiç, i cili u nda nga jeta pak ditë më parë.
Gjatë ndeshjes kundër Viktoria Plzen në play-off të Ligës së Europës, tifozët serbë hapën një parullë të madhe kushtuar “kasapit të Srebrenicës”, përgjegjës për masakrën e mijëra personave në Bosnjë Hercegovinë në vitet e luftës.
Pas koreve me emrin e tij, u hap në parullë ku shkruhej “Gjeneral, lavdi e përjetshme dhe mirënjohje”.
Fotoja bëri xhiron e rrjetit, por ndërkohë, edhe vetë klubi i Crvena Zvezdës e publikoi në rrjetet sociale, duke mbështetur kësisoj ultranacionalistët serbë.
Kjo ka vënë në lëvizje organizatat që merren me çështjet e masakrave ushtarake në Bosnjë, të cilat i kanë kërkuar zyrtarisht UEFA-s përjashtimin e Crvena Zvezdës dhe masa të rrepta kundër këtij klubi që mbështet kaq hapur kriminelët e luftës pa i hyrë asnjë ferrë në këmbë.
UEFA ka nisur një hetim, por këtë radhë është nën vëzhgim edhe nga organizata ndërkombëtare.
Po ndodh...
ide
top
receta Alfa
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128