Lajme flash
Berisha në Strasburg te Partitë Popullore/ Sulmon SPAK si vegël të Ramës, mbron veten dhe Ilir Metën!
7 Prill 2025, 11:51 / POLITIKË
Kreu i Partisë Demokratike, Sali Berisha, ka mbajtur një fjalim gjatë mbledhjes së grupit të Partive Popullore Evropiane në Strasburg.
Berisha akuzoi kryeministrin Edi Rama se duke oërdorur drejtësinë, (SPAK&GJKKO), ka arrestuar liderët e partive kryesore opozitare për të ruajtur pushtetin në një mandat të katërt, ndërkohë që s'ka humbur mundësinë të sulmojë Prokurorinë e Posaçme për hetimet.
“Për të siguruar një mandat të katërt, Edi Rama, i cili erdhi në këtë institucion dhe mbajti një fjalim që kujtonte shumë atë të Hoxhës apo të Gaddafit, vendosi që për mandatin e katërt të arrestojë tre liderë të partive kryesore të opozitës. Ai arrestoi kryetarin e Partisë Demokratike, vendosi në arrest shtëpie për 330 ditë kreun e Partisë Demokratike, Sali Berisha, me akuza të rreme pas një hetimi që zgjati katër vjet. E akuzuan se kishte dhënë për dhëndrin e tij 400 metra tokë publike, ndërkohë që toka kurrë nuk kishte qenë publike. Sipas dokumenteve zyrtare, ajo ishte tokë private që i përkiste gjyshërve të tij. Ai ishte një nga gjysmë milioni njerëz që morën mbrapsht pronat e konfiskuara nga regjimi komunist. Duke shkelur çdo ligj dhe çdo kushtetutë, atij iu bllokua komunikimi me avokatët.
Por disa muaj më parë, ai arrestoi kreun e partisë së dytë opozitare, Ilir Meta, si person nën hetim. E arrestuan, e keqtrajtuan në rrugë, e tërhoqën zvarrë, e rrahën, pa i treguar asnjë urdhër arresti. I treti, kreu i partisë së tretë opozitare, Fatmir Mediu, ish-ministër i mbrojtjes, ndodhet në një proces penal për një çështje që është gjykuar para 15 vitesh dhe nuk ekziston më asnjë fakt i ri”, tha mes të tjerash Berisha.
Po ndodh...
ide
top
receta Alfa
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128